Numerical Predictions: ఈ 3 తేదీల్లో పుట్టిన వారికి 2024లో పట్టిందల్లా బంగారమే..
ABN, Publish Date - Jan 05 , 2024 | 02:59 PM
జ్యోతిష్యశాస్త్రం మాదిరిగానే న్యూమరాలజీకి కూడా ప్రత్యేక స్థానం ఉంది. న్యూమరాలజీ ప్రకారం.. పుట్టిన తేదీల ఆధారంగా వ్యక్తుల జీవితంలో జరుగబోయే మార్పులును వెల్లడిస్తారు న్యూమరాలజిస్టులు. 2023 పోయి.. 2024 వచ్చేసింది.. ఇంకేముంది ఎవరి జాతకం ఎలా ఉందా? అని అందరూ వెతికేస్తున్నారు. తాజాగా న్యూమరాలజిస్టులు కీలక విషయాలు చెప్తున్నారు.
Numerology Predictions: జ్యోతిష్యశాస్త్రం మాదిరిగానే న్యూమరాలజీకి కూడా ప్రత్యేక స్థానం ఉంది. న్యూమరాలజీ ప్రకారం.. పుట్టిన తేదీల ఆధారంగా వ్యక్తుల జీవితంలో జరుగబోయే మార్పులును వెల్లడిస్తారు న్యూమరాలజిస్టులు. 2023 పోయి.. 2024 వచ్చేసింది.. ఇంకేముంది ఎవరి జాతకం ఎలా ఉందా? అని అందరూ వెతికేస్తున్నారు. తాజాగా న్యూమరాలజిస్టులు కీలక విషయాలు చెప్తున్నారు. న్యూమరాలజీ ప్రకారం.. ఏదైనా నెలలో 9, 18, 27 తేదీలలో జన్మించిన వ్యక్తుల మూల సంఖ్య 9. ఈ సంఖ్య ధైర్యానికి ప్రతీకగా పేర్కొంటారు. 9కి పాలకుడు అంగారకుడు. ఈ అంగారక గ్రహం ప్రభావం కారణంగా.. రాడిక్స్ సంఖ్య 9 ఉన్న వ్యక్తులు శక్తివంతంగా, చాలా ధైర్యంగా ఉంటారు.
రాడిక్స్ నెంబర్ 9 ఉన్నవారి భవిష్యత్ 2024లో అద్భుతంగా ఉంటుందని చెబుతున్నారు న్యూమరాలజిస్ట్‌లు. ఈ సంవత్సరం అంతా అదృష్టం వరిస్తుందని చెబుతున్నారు. ఏ పని చేసినా ఫలితం ఉంటుంది. విదేశాలకు వెళ్లాలని ఆలోచిస్తున్నట్లయితే.. ఆ ప్రయత్నం విజయవంతం అయ్యే అవకాశం ఉంది. ఉన్నత విద్యకు మంచి అవకాశం. జ్ఞానాన్ని పెంచుకోవడానికి కొత్త అవకాశాలు లభిస్తాయి. అయితే, ఆరోగ్యం విషయంలో మాత్రం కాస్త జాగ్రత్తగా ఉండాలని సూచిస్తున్నారు. పని చేసే చోట ప్రమోషన్ లభించే అవకాశం ఉంది. సహోద్యోగులతో గొడవలు, విభేదాలు తలెత్తే అవకాశం ఉంది. అలాగే వైవాహిక జీవితంలో కొన్ని సమస్యలు ఎదుర్కోవచ్చు. తల్లిదండ్రుల ఆరోగ్యం కాస్త ఆందోళన కలిగిస్తుంది.
వైవాహిక జీవితం..
2024 సంవత్సరంలో వైవాహిక జీవితానికి సంబంధించి కొంత ఇబ్బందికర పరిస్థితులు ఉండొచ్చు. ఇవి సెట్ అవడానికి కొంత సమయం పడుతుంది.
ఆరోగ్యం..
2024 సంవత్సరం సాధారణంగా ఆరోగ్యానికి సంబంధించి మంచి సంవత్సరం. అయితే, ఛాతీ, ఊపిరితిత్తుల వ్యాధులతో బాధపడే అవకాశం ఉంది. దగ్గు ఇబ్బంది కలిగిస్తుంది. ఈ విషయంలో కాస్త జాగ్రత్తగా ఉండాల్సిన అవసరం ఉంది.
విద్య, పిల్లలు..
పిల్లల చదువుకు సంబంధించి 2024 సంవత్సరం చాలా బాగుంటుంది. పిల్లలకు సంబంధించిన శుభవార్తలు అందుకుంటారు. మీ పిల్లలు మిమ్మల్ని గౌరవిస్తారు. విద్య మొదలైన వాటికి ఇది మంచి సమయం. అందుకే.. మీకు వచ్చే మంచి అవకాశాలను సద్వినియోగం చేసుకోండి.
కెరీర్..
2024 సంవత్సరం కొన్ని కొత్త పనులను ప్రారంభించడానికి మంచి సమయం. విజయాన్ని అందిస్తుంది. సంవత్సరం రెండవ ప్రారంభంలో మేలు జరుగుతుంది. కెరీర్‌లో బదిలీ పొందే అవకాశం ఉంది. అదే సమయంలో ఉద్యోగంలో ప్రమోషన్ కూడా పొందవచ్చు. చాలా కాలంగా నిలిచిపోయిన పనులు పూర్తవుతాయి. తద్వారా భారీ ప్రయోజనాలను పొందుతారు.
వ్యాపారం..
వ్యాపారులు అదనపు ప్రయత్నాలు చేయడం ద్వారా అద్భుతమైన ఫలితాలను పొందుతారు. వ్యాపారం అభివృద్ధి చెందుతుంది. ఆర్థికంగా కూడా, ఈ సంవత్సరం గొప్ప విజయాన్ని ఇస్తుంది. కష్టపడి పనిచేయడం ద్వారా, నిరంతర విజయం సాధిస్తూనే ఉంటారు. కొన్ని కొత్త పెట్టుబడి ప్రణాళికలను చేయవచ్చు. వాటిలో పెట్టుబడి పెట్టవచ్చు. రియల్ ఎస్టేట్, షేర్ మార్కెట్‌లో కూడా పెట్టుబడి పెట్టవచ్చు. తద్వారా మంచి ప్రయోజనాలను పొందే అవకాశాలను ఇస్తుంది. ఆరోగ్య పరంగా ఈ సంవత్సరం కొంత బలహీనంగా ఉండే అవకాశం ఉంది. క్రమం తప్పకుండా యోగా, వ్యాయామం చేస్తే ప్రయోజనం ఉంటుంది.
Updated Date - Jan 05 , 2024 | 03:00 PM
