Vizag Test: వైజాగ్ టెస్ట్‌లో టీమిండియా ఘన విజయం..
ABN, Publish Date - Feb 05 , 2024 | 02:52 PM
ఇంగ్లండ్‌తో జరుగుతున్న రెండో టెస్ట్‌లో టీమిండియా ఘన విజయం సాధించింది. టీమిండియా నిర్దేశించిన 399 పరుగుల లక్ష్యంతో బరిలోకి దిగిన ఇంగ్లండ్ 292 పరుగులకు ఆలౌటైంది.
విశాఖపట్నం వేదికగా ఇంగ్లండ్‌తో జరుగుతున్న రెండో టెస్ట్‌లో (Ind vs Eng) టీమిండియా ఘన విజయం సాధించింది (Vizag Test). సమష్టిగా రాణించి నాలుగో రోజే ఇంగ్లండ్‌ను చుట్టేసింది. టీమిండియా నిర్దేశించిన 399 పరుగుల లక్ష్యంతో బరిలోకి దిగిన ఇంగ్లండ్ 292 పరుగులకు ఆలౌటైంది. దీంతో భారత్ 106 పరుగుల తేడాతో విజయ కేతనం ఎగురవేసింది (India Won). ఐదు మ్యాచ్‌ల టెస్ట్ సిరీస్‌ను 1-1తో సమం చేసింది.
బుమ్రా, అశ్విన్, మూడేసి వికెట్లు పడగొట్టి భారత్ విజయంలో కీలక పాత్ర పోషించారు. కాగా, ఈ మ్యాచ్ తొలి ఇన్నింగ్స్‌లో యశస్వి జైస్వాల్ (209) డబుల్ సెంచరీతో సత్తా చాటగా, రెండో ఇన్నింగ్స్‌లో శుభ్‌మన్ గిల్ (104) శతకం సాధించాడు. ఇక, బుమ్రా ఈ మ్యాచ్‌లో మొత్తం 9 వికెట్లు పడగొట్టాడు. మొత్తంగా ఈ మ్యాచ్‌లో టీమిండియా సమష్టి ప్రదర్శనతో అదరగొట్టి విజయాన్ని అందుకుంది.
Updated Date - Feb 05 , 2024 | 02:54 PM
