Infinix: Smart 8 ఫీచర్స్ లీక్..రూ.7 వేలకే 50MP కెమెరా స్మార్ట్‌ఫోన్!
ABN, Publish Date - Jan 07 , 2024 | 11:36 AM
Infinix కొత్త స్మార్ట్‌ఫోన్ Smart 8 దేశంలో లాంచ్ చేయడానికి సిద్ధంగా ఉంది. అయితే ఇంతకు ముందే ఈ ఫోన్ వివరాలు లీక్ అయ్యాయి. దీని ప్రకారం ఈ మోడల్ భారతదేశంలో రూ.7000 కంటే తక్కువ ధరకే లాంచ్ అవుతుందని తెలుస్తోంది.
Infinix నుంచి అదిరిపోయే స్మార్ట్‌ఫోన్ ఇండియాలోకి రాబోతుంది. అది కూడా మంచి ఫీచర్లతో సరసమైన ధరల్లో లభ్యం కానుంది. 50MP కెమెరా, 4GB RAM సపోర్టుతో వస్తున్న ఈ మోడల్ ఫోన్ కేవలం 7 వేల రూపాయలలోపే ఉంటుందని మార్కెట్ వర్గాలు అంటున్నాయి. అంతేకాదు ఇప్పటికే ఈ మోడల్ ఫోన్‌ను నైజీరియాలో ప్రారంభించారు. అయితే ఈ ఫోన్ గురించి మరిన్ని ఫీచర్లను ఇప్పుడు తెలుసుకుందాం.
మరిన్ని వార్తల కోసం ఇక్కడ క్లిక్ చేయండి: Ninja Pro Max Plus: ఆఫర్ అదుర్స్..వెయ్యికే రూ.8 వేల స్మార్ట్ వాచ్
Infinix Smart 8 స్మార్ట్‌ఫోన్ విజువల్ పంచ్‌తో పాటు 6.6 అంగుళాల హెచ్‌డీ ప్లస్ డిస్‌ప్లే, 90Hz రిఫ్రెష్ రేట్ సపోర్ట్‌తో అందించబడుతుంది. ఇక మెమరీ గురించి మాట్లాడినట్లయితే ఫోన్‌లో 4GB RAM సపోర్టుతోపాటు 4GB వర్చువల్ RAM సపోర్ట్ అందించబడుతుంది. ఇది కాకుండా 64GB స్టోరేజ్ సౌకర్యం కూడా ఉంది.
దీంతోపాటు ఈ స్మార్ట్‌ఫోన్‌లో అద్భుతమైన కెమెరా మాడ్యూల్ కూడా ఉంది. దీనిలో రింగ్ ఫ్లాష్ లైట్, 50MP మెయిన్ కెమెరా, సెల్ఫీ 8MP కెమెరా, LED ఫ్లాష్ లైట్, పిక్చర్ పర్ఫెక్ట్ సెల్ఫ్ పోర్ట్రెయిట్ మోడ్ వంటీ ఫీచర్లు ఉన్నాయి. ఇక బ్యాటరీ విషయానికి వస్తే 5000mAh బ్యాటరీ ఛార్జింగ్ కోసం టైప్ సి ఛార్జింగ్ పోర్ట్ అందించబడుతుంది.
Updated Date - Jan 07 , 2024 | 11:36 AM
