చైల్డ్‌ ఇన్‌ఫోలో ప్రతీ విద్యార్థి డేటా ఇవ్వాలి
ABN, First Publish Date - 2020-12-12T04:45:20+05:30
ప్రతీ పాఠశాలలో చదివే విద్యార్థుల పూర్తి సమాచారం ఎటువంటి లోపాలు, తప్పిదాలు లేకుండా చైల్డ్‌ఇన్‌ఫోలో నమోదు చేయాలని గిరిజన సంక్షేమ శాఖ డిప్యూటీ డైరెక్టర్‌ విజయకుమార్‌ ఆదేశించారు.
గిరిజన సంక్షేమ శాఖ డీడీ విజయ్‌కుమార్‌
అరకులోయ, డిసెంబరు 11: ప్రతీ పాఠశాలలో చదివే విద్యార్థుల పూర్తి సమాచారం ఎటువంటి లోపాలు, తప్పిదాలు లేకుండా చైల్డ్‌ఇన్‌ఫోలో నమోదు చేయాలని గిరిజన సంక్షేమ శాఖ డిప్యూటీ డైరెక్టర్‌ విజయకుమార్‌ ఆదేశించారు. శుక్రవారం స్థానిక రవ్వలగుడ బాలుర ఆశ్రమోన్నత పాఠశాలలో అరకులోయ, అనంతగిరి, డుంబ్రిగుడ మండలాల్లోని పాఠశాలల హెచ్‌ఎంలతో నిర్వహించిన సమావేశంలో ఆయన మాట్లాడారు. విద్యార్థి ఆధార్‌, బ్యాంకు ఖాతా, రేషన్‌ కార్డు, తల్లిదండ్రుల పేర్లులో తప్పులు లేకుండా చూడాలన్నారు. ఈ సమాచారమంతా ఈనెల 15వ తేదీ నాటికి చైల్డ్‌ ఇన్‌ఫోలో నమోదు చేయాలన్నారు. నాడు-నేడు పనుల్లో మిగిలిన వాటిని త్వరగా పూర్తి చేయాలన్నారు. ఈ సమావేశంలో అరకులోయ, అనంతగిరి మండలాల ఏటీడబ్ల్యూవోలు మల్లికార్జునరావు, వైకుంఠరావు పాల్గొన్నారు.
Updated Date - 2020-12-12T04:45:20+05:30 IST