రామమందిర భూమి పూజ అనంత‌రం ల‌క్ష ఇళ్ల‌కు ల‌డ్డూలు!
ABN, First Publish Date - 2020-08-04T12:19:10+05:30
అయోధ్య రామాల‌యం భూమిపూజ వేడుకకు ముమ్మ‌ర ఏర్పాట్లు జరుగుతున్నాయి. ధర్మన‌గ‌రిలో లక్షలాది గృహాలకు మహాప్రసాదాన్ని పంపిణీ చేసేందుకు ఏర్పాట్లు జరుగుతున్నాయి. అయోధ్య‌లోని...
అయోధ్య: అయోధ్య రామాల‌యం భూమిపూజ వేడుకకు ముమ్మ‌ర ఏర్పాట్లు జరుగుతున్నాయి. ధర్మన‌గ‌రిలో లక్షలాది గృహాలకు మహాప్రసాదాన్ని పంపిణీ చేసేందుకు ఏర్పాట్లు జరుగుతున్నాయి. అయోధ్య‌లోని వీధి కూడళ్ల‌ను, దేవాలయాలను అందంగా అలంకరించారు. రామాలయ నిర్మాణానికి సంబంధించిన భూమిపూజ కార్యక్రమంలో ప్రధాని నరేంద్ర మోదీ పాల్గొన‌నున్నారు. ఈ భూమి పూజ నిర్వ‌హ‌ణ భాధ్య‌త త‌మ‌కు ద‌క్కిన సువర్ణావకాశం అని ఎంపీ లల్లూ సింగ్ అన్నారు. స్థానికులు క్రమశిక్షణతో ఈ ఉత్స‌వాన్ని చేసుకోవాల‌ని, అన్ని ఇళ్ల‌ను దీపాల‌తో అలంక‌రించాల‌ని కోరారు. కాగా కరోనా సంక్షోభం కారణంగా ఈ కార్యక్రమాన్ని అనేక నిబంధ‌న‌ల మ‌ధ్య నిర్వ‌హిస్తున్నారు. దూరదర్శన్‌తో పాటు ఇతర ఛానెళ్ల ద్వారా ఈ కార్యక్రమాన్ని ప్రత్యక్ష ప్రసారం చేయనున్నారు. అయోధ్య లోక్‌సభ నియోజకవర్గంలోని ప్ర‌తి ఇంటికీ ప్ర‌సాదం పంపిణీ చేయనున్నారు. ఈ లోక్‌సభ నియోజకవర్గంలో ఒక ల‌క్ష లడ్డూల ప్యాకెట్లు పంపిణీ చేయనున్నారు. కాగా అయోధ్య మునిసిపల్ కార్పొరేషన్, జిల్లా పరిపాలనా యంత్రాంగం నగరాన్ని సుంద‌రంగా అలంక‌రించాయి.
Updated Date - 2020-08-04T12:19:10+05:30 IST