పీఎం-కేర్స్ ఫండ్‌కు విరాళం ప్రకటించిన ఒలెక్ట్రా గ్రీన్‌టెక్
ABN, First Publish Date - 2020-03-31T23:31:12+05:30
ప్రపంచదేశాలను గడగడలాడిస్తున్న కోవిడ్-19 వైరస్ వ్యాప్తిని ఆరికట్టేందుకు భారత ప్రభుత్వం చేస్తున్న పోరాటానికి తన వొంతు సహాయాన్ని
హైదరాబాద్: ప్రపంచదేశాలను గడగడలాడిస్తున్న కోవిడ్-19 వైరస్ వ్యాప్తిని ఆరికట్టేందుకు భారత ప్రభుత్వం చేస్తున్న పోరాటానికి తన వొంతు సహాయాన్ని అందించేందుకు ప్రముఖ ఎలెక్ట్రిక్ మొబిలిటీ సంస్థ ఒలెక్ట్రా గ్రీన్ టెక్ ముందుకొచ్చింది. పీఎం-కేర్స్ ఫండ్‌కు విరాళంగా రూ.17,26,664లను విరాళంగా అందిస్తున్నట్లు సంస్థ ప్రకటించింది. సంస్థలో పని చేస్తున్న ఉద్యోగులు తమ ఒక రోజు జీతాన్ని విరాళంగా ఇచ్చిన రూ.7,26,664లకు సంస్థ మరో రూ.10లక్షలను జోడించి ఈ మొత్తాన్ని పీఎం కేర్స్ ఫండ్‌కు అందజేయనుంది. ఒలెక్ట్రా యొక్క మాతృ సంస్థ ఎంఈఐఎల్ ఇప్పటికే వివిధ రాష్ట్ర ప్రభుత్వాలకు 13 కోట్ల రూపాయలను అందించింది.
‘‘కోవిడ్-19 మహమ్మారిని ఎదుర్కోవడంలో ప్రధానమంత్రి, నరేంద్ర మోదీ మరియు భారత ప్రభుత్వం చేస్తున్న ప్రయత్నాలను మేము హృదయపూర్వకంగా అభినందిస్తున్నాము. దేశంలో 21 రోజుల లాక్‌డౌన్ విజయవంతంగా అమలు చేయడంతో, ఘోరమైన వైరస్‌ను ఎదుర్కోవడానికి భారతదేశం ప్రపంచాన్ని సమర్థవంతమైన మార్గాన్ని చూపుతోంది. ఈ సంక్షోభ సమయంలో, ఈ చిన్న సహకారంతో, మేము ప్రభుత్వానికి సంఘీభావంగా నిలబడతాము మరియు సాధ్యమైనంత తక్కువ సమయంలో పరిస్థితి మెరుగుపడుతుందని మరియు దేశం త్వరలో సాధారణ స్థితికి చేరుకుంటుందని ఆశిస్తున్నాము ”అని ఒలెక్ట్రా గ్రీన్‌టెక్ ఎగ్జిక్యూటివ్ డైరెక్టర్ ఎన్.నాగసత్యం అన్నారు.
Updated Date - 2020-03-31T23:31:12+05:30 IST