బి.కొత్తకోట ఎస్ఐకి అవార్డు
ABN, First Publish Date - 2021-12-25T05:49:46+05:30
నేర పరిశోధన, నేరస్తులను అరెస్టు చేయడంలో ప్రతిభ చూపినందుకు 2021 సంవత్సరానికి గానూ బి.కొత్తకోట ఎస్ఐ రామ్మోహన్ ఉత్తమ ఎస్ఐ అవార్డు అందుకున్నారు.
బి.కొత్తకోట, డిసెంబరు 24: నేర పరిశోధన, నేరస్తులను అరెస్టు చేయడంలో ప్రతిభ చూపినందుకు 2021 సంవత్సరానికి గానూ బి.కొత్తకోట ఎస్ఐ రామ్మోహన్ ఉత్తమ ఎస్ఐ అవార్డు అందుకున్నారు. శుక్రవారం చిత్తూరులో నిర్వహించిన క్రైం మీటింగ్లో ఎస్పీ సెంథిల్కుమార్ ఈ అవార్డును ఎస్ఐకి అందజేశారు. కర్ణాటక మద్యం, సారా అక్రమ రవాణాపై ఉక్కుపాదం, నేరస్తులను అరెస్టు చేయడంలో ప్రతిభ కనబరిచినందుకు గానూ ఎస్ఐకి ఉత్తమ అవార్డు లభించింది. అదేవిధంగా కేసుల నమోదు, ఫ్యామిలీ కౌన్సెలింగ్ ఇతర అంశాలపై అవార్డు వచ్చినట్లు పోలీసులు చెప్పారు. ఈ సందర్భంగా ఎస్ఐ మాట్లాడుతూ అవార్డు రాకతో బాధ్యత మరింత పెరిగిందన్నారు. నేరాల నియంత్రణే ధ్యేయంగా పనిచేస్తానని ఆయన స్పష్టం చేశారు.
Updated Date - 2021-12-25T05:49:46+05:30 IST