తాపీమేస్ర్తీ ఆత్మహత్య
ABN, First Publish Date - 2021-12-20T05:19:38+05:30
ఆర్థిక సమస్యలను భరించలేక ఆత్మహత్య చేసుకున్న తాపీమేస్ర్తీ ఉదంతమిది.
ఆర్థిక ఇబ్బందులే కారణం
బొబ్బిలిరూరల్‌, డిసెంబరు 19: ఆర్థిక సమస్యలను భరించలేక ఆత్మహత్య చేసుకున్న తాపీమేస్ర్తీ ఉదంతమిది. ఎస్‌ఐ చదలవాడ సత్యనారాయణ తెలిపిన వివరాలిలా ఉన్నాయి. బొబ్బి లి మండలం రాజుపేట గ్రామానికి చెందిన బంటు లక్ష్ము నాయుడు (38) ఆర్థిక ఇబ్బందులు తాళలేక ఈ నెల 11న గడ్డి మందు తాగి అపస్మారక స్థితిలోకి వెళ్లిపోయాడు. అతడిని వెంటనే బొబ్బిలి ఆసుపత్రికి తరలించారు. ఆ తర్వాత వైద్యుల సూచన మేరకు విశాఖ కేజీహెచ్‌కు తీసుకెళ్లారు. చికిత్స పొందుతూ శనివారం రాత్రి కన్నుమూశాడు. లక్ష్మునాయుడుకు భార్య కుమారి, కుమారుడు మోహన్‌ కృష్ణ, కుమార్తె అనూరాధ ఉన్నారు. ఇంటిపై చిన్న గది కట్టుకున్న తరువాత కుమార్తెకు ఇటీవల వివాహం చేశాడు. రుణాలు ఎక్కువైపోవడంతో మానసికంగా కుంగిపోయి ఆత్మహత్యకు పాల్పడ్డాడని కుటుంబ సభ్యులు తెలిపారు. మృత దేహాన్ని బంధువులకు అప్పగించి కేసు దర్యాప్తు చేస్తున్నట్లు ఎస్‌ఐ తెలిపారు.
Updated Date - 2021-12-20T05:19:38+05:30 IST