147మంది మహిళా అధికారుల శాశ్వత నియామకం
ABN, First Publish Date - 2021-07-15T08:32:54+05:30
మొత్తం 147మంది మహిళా అధికారులకు సైన్యంలో శాశ్వత నియామకాలు (పీసీ) కల్పించినట్లు భారత సైన్యం బుధవారం ఒక ప్రకటనలో తెలిపింది.
భారత సైన్యం ప్రకటన
న్యూఢిల్లీ, జూలై 14: మొత్తం 147మంది మహిళా అధికారులకు సైన్యంలో శాశ్వత నియామకాలు (పీసీ) కల్పించినట్లు భారత సైన్యం బుధవారం ఒక ప్రకటనలో తెలిపింది. మొత్తం 615మందికి గాను 424 అధికారులకు సైన్యం పీసీ కల్పించింది. సుప్రీం కోర్టులో విచారణలో ఉన్న ఒక వ్యాజ్యంపై స్పష్టత వచ్చే వరకూ కొంతమంది ఫలితాలను మాత్రం ప్రస్తుతానికి ఆపినట్లు తెలిపింది. ప్రస్తుతం పీసీ కల్పించిన అధికారిణులందరూ సైన్యంలో ఉన్నత నాయకత్వ స్థానాలకు సన్నద్ధమయ్యేలా ప్రత్యేకంగా శిక్షణను పొందనున్నారని పేర్కొంది. ఇప్పటికే 33మంది కలిగిన ఓ బృందం మధ్యస్థాయి కోర్సును ఆర్మీ వార్‌ కళాశాల నుంచి పూర్తి చేసిందని స్పష్టం చేసింది.
Updated Date - 2021-07-15T08:32:54+05:30 IST