తెలుగు రాష్ట్రాల్లో న్యాయమూర్తుల కొరత
ABN, First Publish Date - 2021-03-18T08:05:04+05:30
తెలుగు రాష్ట్రాల్లోని హైకోర్టులతో సహా కింది కోర్టుల్లోనూ జడ్జిల కొరత ఉందని కేంద్ర న్యాయశాఖ మంత్రి రవిశంకర్‌ ప్రసాద్‌ తెలిపారు. ఈ మేరకు లోక్‌సభలో ఓ ఎంపీ అడిగిన ప్రశ్నకు కేంద్ర మంత్రి బుధవారం లిఖితపూర్వక సమాధానం ఇచ్చారు
హైకోర్టులతో సహా కింది కోర్టుల్లోనూ ఇదే పరిస్థితి: కేంద్రం
తెలుగు రాష్ట్రాల్లోని హైకోర్టులతో సహా కింది కోర్టుల్లోనూ జడ్జిల కొరత ఉందని కేంద్ర న్యాయశాఖ మంత్రి రవిశంకర్‌ ప్రసాద్‌ తెలిపారు. ఈ మేరకు లోక్‌సభలో ఓ ఎంపీ అడిగిన ప్రశ్నకు కేంద్ర మంత్రి బుధవారం లిఖితపూర్వక సమాధానం ఇచ్చారు. తెలంగాణ హైకోర్టులో ఉండాల్సిన 24 మంది న్యాయమూర్తులకుగాను ప్రస్తుతం 14 మంది ఉన్నారని పేర్కొన్నారు. ఆంధ్రప్రదేశ్ హైకోర్టులో 37 మంది న్యాయమూర్తులకుగాను ప్రస్తుతం 19 మంది ఉన్నారని చెప్పారు. తెలంగాణలోని కింది కోర్టుల్లో ఉండాల్సిన 474 మంది జడ్జిలకుగాను 378 మంది ప్రస్తుతం ఉన్నారని, 96 జడ్జి పోస్టులు ఖాళీగా ఉన్నాయని పేర్కొన్నారు. ఏపీలో 607 జడ్జి పోస్టులకుగాను 97 పోస్టులు ఖాళీగా ఉన్నాయని కేంద్ర మంత్రి తెలిపారు.
Updated Date - 2021-03-18T08:05:04+05:30 IST