గ్రాహం గూచ్‌ను వెనక్కి నెట్టేసిన రూట్.. టెస్టుల్లో మరో రికార్డు
ABN, First Publish Date - 2021-08-14T23:07:47+05:30
అద్భుత ఫామ్‌లో ఉన్న ఇంగ్లండ్ జట్టు కెప్టెన్ జో రూట్ మరో మైలురాయిని అందుకున్నాడు. టెస్టుల్లో ఇంగ్లండ్ తరపున అత్యధిక పరుగులు
లండన్: అద్భుత ఫామ్‌లో ఉన్న ఇంగ్లండ్ జట్టు కెప్టెన్ జో రూట్ మరో మైలురాయిని అందుకున్నాడు. టెస్టుల్లో ఇంగ్లండ్ తరపున అత్యధిక పరుగులు చేసిన రెండో ఇంగ్లిష్ ఆటగాడిగా రికార్డులకెక్కాడు. ఈ క్రమంలో మాజీ కెప్టెన్ గ్రాహం గూచ్‌ను వెనక్కి నెట్టేశాడు. గూచ్ తన టెస్టు కెరియర్‌లో 8,900 పరుగులు చేశాడు. ఈ రికార్డును చేరుకోవడానికి నాలుగు పరుగులు మాత్రమే అవసరం కాగా, నిన్న ఇషాంత్ శర్మ వేసిన 28వ ఓవర్‌లో ఫోర్ కొట్టిన రూట్ ఆ ఘనత సాధించాడు. ఈ జాబితాలో రూట్ కంటే ముందు మాజీ కెప్టెన్ అలిస్టర్ కుక్ ఉన్నాడు. కుక్ టెస్టుల్లో 12,472 పరుగులు చేశాడు.
నాటింగ్‌హామ్‌లో జరిగిన తొలి టెస్టులో రూట్ తొలి ఇన్నింగ్స్‌లో అర్ధ సెంచరీ, రెండో ఇన్నింగ్స్‌లో సెంచరీ చేశాడు. ఇంగ్లండ్ కెప్టెన్ తన టెస్ట్ కెరియర్‌లో ఇప్పటి వరకు 21 సెంచరీలు, 50 అర్ధ సెంచరీలు చేశాడు. ఇప్పుడు 10 వేల పరుగులపై కన్నేశాడు.
Updated Date - 2021-08-14T23:07:47+05:30 IST