చపాతి పిండిలో చనిపోయిన కప్ప..!
ABN, First Publish Date - 2021-12-31T08:18:19+05:30
ఓ కంపెనీకి చెందిన చపాతి పిండి సంచిలో ఏకంగా చనిపోయిన కప్ప కనబడటంతో వినియోగదారుడు అవాక్కయ్యాడు.
నర్సాపూర్‌, డిసెంబరు 30: ఓ కంపెనీకి చెందిన చపాతి పిండి సంచిలో ఏకంగా చనిపోయిన కప్ప కనబడటంతో వినియోగదారుడు అవాక్కయ్యాడు. మెదక్‌ జిల్లా నర్సాపూర్‌ మండలం రుస్తుంపేట గ్రామానికి చెందిన శివకుమార్‌ తెలిపిన వివరాల ప్రకారం.. అన్నపూర్ణ కంపెనీకి చెందిన 5 కిలోల చపాతి పిండి సంచిని నర్సాపూర్‌లోని సంగారెడ్డి రోడ్డులో గల ఓ సూపర్‌ మార్కెట్‌ నుంచి 10 రోజుల క్రితం కొనుగోలు చేశాడు. కొన్ని రోజులు ఇంట్లో చపాతీలు చేసుకుని తిన్నారు. గురువారం చపాతి కోసం సంచి నుంచి పిండిని ఓ పాత్రలో వేస్తుండగా పిండితో పాటు చనిపోయి ఉన్న కప్ప బయటపడింది. ఈ విషయాన్ని మీడియా దృష్టికి తీసుకొచ్చిన శివకుమార్‌ వినియోగదారుల ఫోరంలో ఫిర్యాదు చేస్తానన్నారు.
Updated Date - 2021-12-31T08:18:19+05:30 IST