పంటలకు పీఎంఎ్‌ఫబీవై వర్తింపు
ABN, First Publish Date - 2022-11-26T23:55:55+05:30
ఈ ఏడాది ఖరీఫ్‌, రబీ సీజన్లల్లో పలు రకాల పంటలకు ప్రధాన మంత్రి ఫసల్‌ బీమా యోజన(పీఎంఎ్‌ఫబీవై) వర్తింపజేశారు
దిగుబడి ఆధారంగా పరిహారం మంజూరు
అనంతపురం అర్బన, నవంబరు 26: ఈ ఏడాది ఖరీఫ్‌, రబీ సీజన్లల్లో పలు రకాల పంటలకు ప్రధాన మంత్రి ఫసల్‌ బీమా యోజన(పీఎంఎ్‌ఫబీవై) వర్తింపజేశారు. కేంద్ర ప్రభుత్వం శనివారం జీఓను విడుదల చేసింది. పంట దిగుబడి ఆధారంగా నష్టం అంచనాలు లెక్కించి నష్టపోయిన రైతులకు పరిహారం మంజూరు చేయాలని నిర్ణయించారు. ఖరీఫ్‌ సీజనలో పత్తి పంటను గ్రామ యూనిట్‌గా తీసుకుంటారు. కంది, వరి, జొన్న, మొక్కజొన్న, ఎండుమిరప పంటలను మండల యూనిట్‌గా పరిగణలోకి తీసుకుంటారు. ఖరీఫ్‌ సీజనలో హెక్టారుకు పత్తిరూ.90వేలు, కంది రూ.45వేలు, వరి రూ.95వేలు, జొన్న రూ.50వేలు, మొక్కజొన్న రూ.80వేలు, ఎండుమిరప రూ.2 లక్షలు పరిహారం వర్తింపజేయాలని నిర్ణయించారు. రబీ సీజనలో పప్పుశనగను గ్రామ యూనిట్‌, వరి, జొన్న, మొక్కజొన్న, వేరుశనగ (నీటిపారుదల) మండల యూనిట్‌గా పరిగణలోకి తీసుకుంటారు. ఆ సీజనలో పప్పుశనగ హెక్టారుకు రూ.70వేలు, వరి రూ.లక్ష, జొన్న రూ.50వేలు, మొక్కజొన్న రూ.80వేలు, వేరుశనగకు రూ.70వేల పరిహారం మంజూరు చేయాలని నిర్ణయించారు.
Updated Date - 2022-11-26T23:56:03+05:30 IST