వారికెందుకు కడుపుమంట: జోగి రమేష్
ABN, First Publish Date - 2022-11-30T19:29:44+05:30
టీడీపీ అధినేత చంద్రబాబు, జనసేన అధినేత పవన్ కల్యాణ్ లపై మంత్రి జోగి రమేష్ తీవ్ర వ్యాఖ్యలు చేశారు.
శ్రీకాకుళం: టీడీపీ అధినేత చంద్రబాబు, జనసేన అధినేత పవన్ కల్యాణ్ లపై మంత్రి జోగి రమేష్ తీవ్ర వ్యాఖ్యలు చేశారు. పేదలకు ఇళ్ళు కట్టిస్తుంటే పవన్, చంద్రబాబుకు ఎందుకంత కడుపుమంట? అని ప్రశ్నించారు. పేదలు పూరి గుడిసెల్లో ఉండాలన్నదే చంద్రబాబు ఉద్దేశ్యమన్నారు. చంద్రబాబు, పవన్ ఏ ముఖం పెట్టుకుని జగనన్న కాలనీలకు వస్తారని ప్రశ్నించారు. జగన్‌ను ఎదుర్కొనే దమ్ము చంద్రబాబుకు లేదన్నారు. వచ్చే ఎన్నికల్లో కుప్పంలో బాబు, మంగళగిరిలో లోకేష్ ఓడిపోతారని వ్యాఖ్యానించారు. పవన్ 175 స్థానాల్లో ఎక్కడ పోటీ చేసినా గెలవడన్నారు. పొత్తులు లేకుండా 175 స్థానాల్లో పోటీ చేసే దమ్ము చంద్రబాబు, పవన్‌లకు ఉందా? అని ప్రశ్నించారు. జగన్ ప్రభుత్వాన్ని కూల్చటానికి విఠలాచార్య సినిమానో, రాజమౌళి గ్రాఫిక్స్ నో కాదన్నారు.
Updated Date - 2022-11-30T19:29:46+05:30 IST