వీఆర్వో అదృశ్యం
ABN, First Publish Date - 2022-11-09T00:34:33+05:30
విశాఖ జిల్లా కాపులప్పాడు గ్రామ వీఆర్వో రాజమహేంద్రవరంలో అదృశ్యమయ్యాడు.
రాజమహేంద్రవరం సిటీ, నవంబరు 8: విశాఖ జిల్లా కాపులప్పాడు గ్రామ వీఆర్వో రాజమహేంద్రవరంలో అదృశ్యమయ్యాడు. వివరాల్లోకి వెళితే.. విశాఖపట్నం నగరపాలక సంస్థ 4వ వార్డు కాపులపాడు వార్డు సచివాలయం వీఆర్వో గా పనిచేస్తున్న బడే శ్రీను(24) ఈనెల 4న రాత్రి విజయవాడ సీసీఎల్‌ఏ కార్యాలయానికి వెళ్తున్నట్టు ఇంటి వద్ద చెప్పి బయలుదేరాడని తిరిగి మరుసటి రోజు శనివారం ఇంటికి వస్తున్నట్టు తన తల్లి కోర్లమ్మకు ఫోను చేసి చెప్పాడని బంధువులు తెలిపారు. అయితే ఇంటికి రాకపోగా శ్రీను ఫోను స్విచ్ఛాఫ్‌లో ఉందని చెప్పారు. మరో పక్క అక్కడి తహశీల్దార్‌కు మాత్రం తాను వ్యక్తిగత పనులపై నూజివీడు వెళ్తున్నట్టు చెప్పాడని, తాము ఆఫీసు పనిమీద ఎక్కడికి పంపించలేదని చెప్పడంతో కుటుంబ సభ్యులు ఆందోళన చెందుతున్నారు. దీనిపై భీమిలి పోలీసులకు ఫిర్యాదు చేసినట్టు తెలిపారు. శ్రీను ఫోన్‌ను ట్రేసవుట్‌ చేయగా రాజమహేంద్రవరంలో ఫోను స్విచ్ఛాఫ్‌ అయినట్టు గుర్తించారని తెలిపారు. దీంతో అతని అన్నయ్య ప్రసాద్‌ రాజమహేంద్రవరం వచ్చి నాలుగు టౌన్ల పోలీసుస్టేషన్లకు తన ఫిర్యాదును అందించారు. ఈ మేరకు పోలీసులు వీఆర్వో ఆచూకీ కోసం రాజమహేంద్రవరంలో గాలిస్తున్నారు.
Updated Date - 2022-11-09T00:34:43+05:30 IST