Jogi Ramesh: వైజాగ్‌లో అల్లరిమూకలు మాపై దాడి చేశాయి: మంత్రి జోగి రమేష్
ABN, First Publish Date - 2022-10-27T13:59:08+05:30
కొంతమంది చిల్లర వ్యక్తులు ప్రోత్సహించటంతో విశాఖ (Visakha)లో అల్లరిమూకలు తమపై దాడి చేశాయని మంత్రి జోగి రమేష్ (Minister Jogi Ramesh) అన్నారు.
పల్నాడు జిల్లా (Palnadu Dist.): కొంతమంది చిల్లర వ్యక్తులు ప్రోత్సహించటంతో విశాఖ (Visakha)లో అల్లరిమూకలు తమపై దాడి చేశాయని మంత్రి జోగి రమేష్ (Minister Jogi Ramesh) అన్నారు. గురువారం ఆయన ఇక్కడ మీడియాతో మాట్లాడుతూ తొడలు కొట్టటం, మీసాలు మెలివేయటం ఇవన్నీ సినిమాల్లో చేసేవని, సినిమా వాళ్ళను అనుకరిస్తే నిజజీవితంలో నష్టపోవాల్సి వస్తుందని అన్నారు. సినిమా వాళ్లతో కొంతమంది అమాయకులు బలౌతున్నారన్నారు. భారతదేశంలో 28 రాష్ట్రాల్లో జగన్ రెడ్డి (Jagan reddy) పరిపాలనను అభినందిస్తున్నారని, సంక్షోభంలో కూడా సీఎం జగన్ సంక్షేమ బాట పట్టించారని మంత్రి కొనియాడారు. చంద్రబాబు నాయుడు (Chandrababu Naidu) ఒంటరిగా పోటీ చేయలేరని, పవన్ కల్యాణ్ (Pawan Kalyan), టీడీపీ తొత్తని, ఇలాంటి వారు ఎంతమంది ఏకమైనా జగన్ రెడ్డితో పోటీ పడలేరని మంత్రి జోగి రమేష్ వ్యాఖ్యానించారు.
Updated Date - 2022-10-27T13:59:12+05:30 IST