వాకర్స్‌ క్లబ్‌ అధ్యక్షుడిగా కొండవీటి సాయిబాబా
ABN, First Publish Date - 2022-12-21T00:27:23+05:30
డైమండ్‌ లోటస్‌ వాకర్స్‌ క్లబ్‌ నూతన అధ్యక్షుడిగా 2023వ సంవత్సరానికి కొండవీటి సాయిబాబాను ఎన్నుకున్నట్లు ఆ క్లబ్‌ ప్రస్తుత అధ్యక్షుడు మాజేటి ప్రసాద్‌ అన్నారు.
వాకర్స్‌ క్లబ్‌ అధ్యక్షుడిగా
కొండవీటి సాయిబాబా
పూర్ణానందంపేట, డిసెంబరు 20 : డైమండ్‌ లోటస్‌ వాకర్స్‌ క్లబ్‌ నూతన అధ్యక్షుడిగా 2023వ సంవత్సరానికి కొండవీటి సాయిబాబాను ఎన్నుకున్నట్లు ఆ క్లబ్‌ ప్రస్తుత అధ్యక్షుడు మాజేటి ప్రసాద్‌ అన్నారు. స్థానిక పూర్ణానందంపేటలోని హోటల్‌ విక్రమ్‌లో మంగళవారం ఆ క్లబ్‌ సర్వసభ్య సమావేశాన్ని నిర్వహించారు. ఈ సందర్భంలో డిప్యూటీ గవర్నర్‌ పులిపాటి వెంకట దుర్గాప్రసాద్‌ మాట్లాడుతూ జిల్లాలో అత్యున్నత ప్రమాణాలతో డైమండ్‌ లోటస్‌ వాకర్స్‌ క్లబ్‌ సేవలంది స్తుందన్నారు. కాబోయే జిల్లా గవర్నర్‌ డీవీఎస్‌ రామలింగరాజు ఆధ్వర్యంలో జరిగిన ఎన్నికల ప్రక్రియలో నూతన కార్యవర్గం ఏకగ్రీవంగా ఎన్నుకున్నట్లు చెప్పారు. ఈ సందర్భంలో రామలింగ రాజు మాట్లాడుతూ రానున్న సంవత్సరం అధ్యక్షుడిగా కొండవీటి సాయిబాబా, కార్యదర్శిగా వల్లేటి శ్రీనివాసులు రెడ్డి (కడపరెడ్డి), కోశాధికారిగా బొందిలి జనార్ధన్‌ సింగ్‌ ఎన్నికయ్యారన్నారు. నూతన కార్యవర్గానికి ఆయన అభినందనలు తెలియజేశారు. మన్సూర్‌ బాయ్‌, గిరిధర్‌ రావు, రమణారెడ్డి, బసవేశ్వరరావు, రమేష్‌ తదితరులు పాల్గొన్నారు.
Updated Date - 2022-12-21T00:27:27+05:30 IST