కోలుకోలేక డిగ్రీ విద్యార్థి మృతి
ABN, First Publish Date - 2022-12-27T23:49:16+05:30
కోసిగి గ్రామానికి చెందిన పీకలబెట్ట సూరి (22) అనే డిగ్రీ విద్యార్థి రోడ్డు ప్రమాదంలో గాయపడి చికిత్స పొందుతూ మంగళవారం మృతి చెందాడు.
కోసిగి, డిసెంబరు 27: కోసిగి గ్రామానికి చెందిన పీకలబెట్ట సూరి (22) అనే డిగ్రీ విద్యార్థి రోడ్డు ప్రమాదంలో గాయపడి చికిత్స పొందుతూ మంగళవారం మృతి చెందాడు. సూరి పని నిమిత్తం సోమవారం కర్ణాటక రాష్ట్రంలోని మఠమారి గ్రామానికి బైక్‌పై వెళ్తుండగా.. గ్రామ సమీపంలో ఎదురుగా మరో బైక్‌ వచ్చి ఢీకొట్టింది. ఈ ప్రమాదంలో గాయపడిన సూరిని రాయచూరు ఆసుపత్రికి తరలించారు. పరిస్థితి విషమంగా ఉండటంతో అక్కడి నుంచి కర్నూలు ఆసుపత్రికి తరలించారు. అయితే మంగళవారం చికిత్స పొందుతూ సూరి మృతి చెందాడు. సూరి మృతి చెందిన విషయం తెలుసుకున్న కోసిగి గ్రామస్థులు, స్నేహితులు, కళాశాల విద్యార్థులు, అధ్యాపకులు ఆవేదనకు గురయ్యారు.
Updated Date - 2022-12-27T23:49:17+05:30 IST