Trains Cancelled: ఈ రైళ్లు రద్దు అయ్యాయండీ బాబూ.. తెలుసుకోకుండా రైల్వే స్టేషన్‌కు వెళ్తే నిరాశ తప్పదు..!
ABN, First Publish Date - 2022-12-03T17:54:02+05:30
గుంటూరు-గిద్దలూరు-గుంతకల్లు మార్గంలో రైల్వే డబ్లింగ్‌ పనులు జరుగుతున్న దృష్ట్యా కొన్ని రైళ్లను రద్దు చేస్తూ మరికొన్నింటిని పాక్షికంగా రద్దు చేస్తూ దక్షిణ మధ్య రైల్వే అధికారులు..
గిద్దలూరు: గుంటూరు-గిద్దలూరు-గుంతకల్లు మార్గంలో రైల్వే డబ్లింగ్‌ పనులు జరుగుతున్న దృష్ట్యా కొన్ని రైళ్లను రద్దు చేస్తూ మరికొన్నింటిని పాక్షికంగా రద్దు చేస్తూ దక్షిణ మధ్య రైల్వే అధికారులు ఒక ప్రకటనలో నిర్ణయించారు. 17228 గుంటూరు-డోన్‌ మధ్య తిరిగే ఎక్స్‌ప్రెస్‌ రైలును శుక్రవారం నుంచి 6వ తేదీ వరకు రద్దు చేశారు. అలాగే 17227 డోన్‌-గిద్దలూరు-గుంటూరు మధ్య తిరిగే ఎక్స్‌ప్రెస్‌ రైలును ఈ నెల 3వ తేది నుంచి 7వ తేది వరకు రద్దు చేశారు. 17251 గుంటూరు-కాచీగూడ ఎక్స్‌ప్రెస్‌ రైలును ఈ నెల 5, 6 తేదీలలో గుంటూరు-మార్కాపురం స్టేషన్ల మధ్య పాక్షికంగా రద్దు చేశారు.
17252 కాచీగూడ-గుంటూరు ఎక్స్‌ప్రెస్‌ రైలును 4, 5 తేదీలలో మార్కాపురం-గుంటూరు స్టేషన్ల మధ్య పాక్షికంగా రద్దు చేయగా మిగతా పట్టణాల మధ్య యథావిధిగా రైళ్లు తిరుగుతున్నాయని దక్షిణ మధ్య రైల్వే అధికారులు ఆ ప్రకటనలో తెలిపారు.
Updated Date - 2022-12-03T17:54:12+05:30 IST