జాతీయ స్థాయిలో రాణించాలి
ABN, First Publish Date - 2022-10-23T23:41:48+05:30
బేస్‌బాల్‌ పోటీల్లో రాష్ట్రానికి చెందిన విద్యార్థులు జాతీయ స్థాయిలో రాణించాలని జడ్పీ వైస్‌చైర్‌పర్సన్‌ య న్నాబత్తిన అరుణ అన్నారు.
జడ్పీ వైస్‌చైర్‌పర్సన్‌ అరుణ
హోరాహోరీగా రాష్ట్ర స్థాయి బేస్‌బాల్‌ పోటీలు
సింగరాయకొండ, అక్టోబరు 23 : బేస్‌బాల్‌ పోటీల్లో రాష్ట్రానికి చెందిన విద్యార్థులు జాతీయ స్థాయిలో రాణించాలని జడ్పీ వైస్‌చైర్‌పర్సన్‌ య న్నాబత్తిన అరుణ అన్నారు. ఆదివారం మండలంలోని పాతసింగరాయకొండ క్రీడా ప్రాంగణంలో జిల్లా బేస్‌బాల్‌ అసోసియేషన్‌ ఆధ్వర్యంలో నిర్వహించిన 3వ రాష్ట్ర స్థాయి పోటీలను ఆమె ప్రారంభించారు. ఈ సందర్భంగా మాట్లాడుతూ క్రీడలు విద్యార్థుల మానసిక ఉల్లాసానికి తోడ్పడతాయని చెప్పారు. బాలుర విభాగంలో 11 జిల్లాలు, బాలికల విభాగంలో 10 జిల్లాల జట్టు పాల్గొన్నాయి. హోరాహోరీగా జరిగిన పోటీల్లో బాలుర విభాగంలో విజయనగరం, నెల్లూరు జట్లు తలపడగా (8-0)తో విజయనగరం జట్టు గెలిచింది. గుంటూరు, తూర్పు గోదావరి జట్ల మధ్య జరిగిన పోటీల్లో (6-0)తో గుంటూరు జట్టు విజయం సాధించింది. విశాఖపట్నం, కడప జిల్లాల మధ్య జరిగిన పోటీల్లో (5-7)తో కడప జిల్లా విజేతగా నిలిచింది. నెల్లూ రు, చిత్తూరు మ ధ్య జరిగిన పోటీ ల్లో (2-5) తో చి త్తూరు జట్టు గెలి చింది. ప్రకాశం, కృ ష్ణా జిల్లాల మధ్య జరిగిన మ్యాచ్‌లో (7-0)తో ప్రకాశం జట్టు విజేతగా నిలిచింది. తూర్పుగోదావరి, అనంతపురం జట్లు తలపడగా (0-5) తేడాతో అనంతపురం జట్టు విజేతగా నిలిచింది. విజయనగరం, చిత్తూరు జిల్లాల మధ్య జరిగిన పోటీల్లో (10-2) తేడాతో విజయనగరం జట్టు గెలిచింది. బాలికల విభాగంలో కర్నూలు, చిత్తూరు జిల్లాల మధ్య జరిగిన మ్యాచ్‌లో (7-0) తేడాతో కర్నూలు గెలిచింది. విజయనగరం, విశాఖపట్నం జట్లు తలపడగా (2-0)తో విజయనగరం విజయం సాధించింది. చిత్తూరు, గుంటూరు మధ్య జరిగిన పోటీల్లో (6-8) తేడాతో గుంటూరు, ప్రకాశం, కృష్టా మధ్య జరిగిన పోటీల్లో (7-2) తేడాతో ప్రకాశం జట్లు విజేతలుగా నిలిచారు. నేడు బాలుర, బాలికల రెండు విభాగాల్లో క్వార్టర్‌, సెమీస్‌, ఫైనల్‌ మ్యాచ్‌లు జరుగుతాయని అసోసియేషన్‌ నిర్వాహకులు తెలిపారు. ఈ కార్యక్రమంలో రాష్ట్ర బేస్‌బాల్‌ సెక్రటరీ మల్లికార్జునరెడ్డి, బేస్‌బాల్‌ సీఈవో జి. మాధవరావు, జిల్లా సెక్రటరీ వి. వేమారెడ్డి, జాయింట్‌ సెక్రటరీ అన్వర్‌బాబు, వైసీపీ నేతలు యన్నాబత్తిన వెంకటేశ్వరరావు, గాలి నరసింహారావు, పాఠశాల తల్లిదండ్రుల కమిటీ చైర్మన్‌ చిమటా సుధాకర్‌ పాల్గొన్నారు.
Updated Date - 2022-10-24T00:04:15+05:30 IST