Rains: తీరం దాటిన వాయుగుండం.. ఏపీలో వర్షాలు
ABN, First Publish Date - 2022-12-25T20:05:28+05:30
నైరుతి బంగాళాఖాతంలో ఉన్న వాయుగుండం పశ్చిమ నైరుతిగా పయనించి ఆదివారం ఉత్తర శ్రీలంకలో తీరం దాటి తీవ్ర అల్పపీడనం (low pressure)గా బలహీనపడింది.
విశాఖపట్నం: నైరుతి బంగాళాఖాతంలో ఉన్న వాయుగుండం పశ్చిమ నైరుతిగా పయనించి ఆదివారం ఉత్తర శ్రీలంకలో తీరం దాటి తీవ్ర అల్పపీడనం (low pressure)గా బలహీనపడింది. ఇది పశ్చిమ నైరుతిగా పయనిస్తూ సోమవారం ఉదయానికి కొమెరిన్‌ తీరం దిశగా వస్తుందని వాతావరణ శాఖ తెలిపింది. దీని ప్రభావంతో కోస్తా, రాయలసీమ (Rayalaseema)లో చెదురుమదురుగా వర్షాలు కురిశాయి. రానున్న 24 గంటల్లో దక్షిణకోస్తా, రాయలసీమలో అక్కడక్కడా వర్షాలు కురుస్తాయని వాతావరణ శాఖ తెలిపింది. కాగా రాష్ట్రంలోని అల్లూరి సీతారామరాజు జిల్లా పాడేరు, చింతపల్లి, అరకులోయఏజెన్సీ ప్రాంతాల్లో చలి ప్రభావం కొనసాగింది. పాడేరు సమీపంలోని జి.మాడుగులలో 5.1 డిగ్రీల కనిష్ఠ ఉష్ణోగ్రత నమోదైంది.
Updated Date - 2022-12-25T20:05:30+05:30 IST