Raghuram Rajan: భారత్ జోడో యాత్రలో రాహుల్ వెంట నడచిన రఘురాం రాజన్
ABN, First Publish Date - 2022-12-14T08:53:50+05:30
భారతీయ రిజర్వ్ బ్యాంక్ మాజీ గవర్నర్ రఘురామ్ రాజన్ భారత్ జోడో యాత్రలో కాంగ్రెస్ నాయకుడు రాహుల్ గాంధీతో కలిసి నడిచారు...
జైపూర్ (రాజస్థాన్): భారతీయ రిజర్వ్ బ్యాంక్ మాజీ గవర్నర్ రఘురామ్ రాజన్ భారత్ జోడో యాత్రలో కాంగ్రెస్ నాయకుడు రాహుల్ గాంధీతో కలిసి నడిచారు.((Ex RBI Governor Raghuram Rajan)ప్రస్తుతం రాజస్థాన్ గుండా కొనసాగుతున్న రాహుల్ గాంధీ(Rahul Gandhi) నేతృత్వంలోని భారత్ జోడో యాత్రలో(Bharat Jodo Yatra) రఘురామ్ రాజన్ బుధవారం ఉదయం చేరారు.((Raghuram Rajan walks with Rahul Gandhi)ట్విట్టరులో విడుదలైన వీడియోలో ఆర్బీఐ మాజీ గవర్నర్ రాజన్, రాహుల్ గాంధీ, సచిన్ పైలట్‌తో కలిసి నడుస్తూ కనిపించారు.రాజస్థాన్‌లోని సవాయి మాధోపూర్‌కు చెందిన భడోతి నుంచి బుధవారం ఉదయం పాదయాత్ర తిరిగి ప్రారంభమైంది.సెప్టెంబరు 7వతేదీన కన్యాకుమారి నుంచి ప్రారంభమైన ఈ యాత్ర ఇప్పటి వరకు తమిళనాడు, కేరళ, ఆంధ్రప్రదేశ్, కర్ణాటక, తెలంగాణ, మహారాష్ట్ర, మధ్యప్రదేశ్‌లలో సాగింది. ఈ యాత్ర ఫిబ్రవరి 2023వ సంవత్సరం ప్రారంభంలో జమ్మూ కశ్మీర్‌లో ముగియనుంది.భారత్ జోడో యాత్రలో ఇప్పటి వరకు పలువురు రాజకీయ నాయకులు, సినీ ప్రముఖులు, కార్యకర్తలు, మాజీ అధికారులు పాల్గొన్నారు.భారత్ జోడో యాత్ర 100 రోజులు పురస్కరించుకుని కాంగ్రెస్ శుక్రవారం జైపూర్‌లో సింగర్ సునిధి చౌహాన్ లైవ్ పర్ఫార్మెన్స్‌తో కచేరీ నిర్వహించనుందని ఏఐసీసీ ప్రధాన కార్యదర్శి జైరాం రమేష్ చెప్పారు.
Updated Date - 2022-12-14T09:07:25+05:30 IST