Assault on young woman: ప్రియుడి ఉన్మాదం.. ప్రియురాలిని దారుణంగా...
ABN, First Publish Date - 2022-12-25T19:12:30+05:30
వివాహం చేసుకోవాలని కోరిన ప్రియురాలిని ప్రియుడు దారుణంగా కొట్టాడు. రోడ్డుపైనే కిందపడేసి కాలితో మొహంపై విపరీతంగా తన్నాడు.
రెవా: మధ్యప్రదేశ్ రెవా (Rewa)లో యువతిపై దాడి చేసి దారుణంగా గాయపరిచిన నిందితుడు పంకజ్ త్రిపాఠి(Pankaj Tripathi) ఇంటిని బుల్డోజర్‌తో కూల్చివేశారు. ఇంటిని అక్రమంగా నిర్మించడం వల్లే కూల్చివేశామని అధికారులు తెలిపారు. అంతకంటే ముందే నిందితుడిని అరెస్ట్ చేసినట్లు మధ్యప్రదేశ్ ముుఖ్యమంత్రి శివరాజ్‌సింగ్ చౌహాన్ (Madhya Pradesh CM Shivraj Singh Chauhan) ట్వీట్ చేశారు. 24 ఏళ్ల త్రిపాఠి డ్రైవింగ్ లైసన్స్ కూడా రద్దు చేసినట్లు వెల్లడించారు. మధ్యప్రదేశ్‌లో మహిళల జోలికొస్తే ఊరుకోబోమని, కఠిన చర్యలు తీసుకుంటామని శివరాజ్‌సింగ్ చౌహాన్ హెచ్చరించారు.
మరోవైపు యువతిపై ఉన్మాది త్రిపాఠి దాడి (Assault on young woman) చేస్తుండగా వీడియో రికార్డ్ చేసిన నిందితుడు పరారీలో ఉన్నాడు. పరారైన నిందితుడి కోసం పోలీసులు బృందాలుగా విడిపోయి గాలింపు చేపట్టి ఎట్టకేలకూ అరెస్ట్ చేశారు.
రెవాలోని మౌగంజ్‌లో వివాహం చేసుకోవాలని కోరిన ప్రియురాలిని ప్రియుడు పంకజ్ త్రిపాఠి దారుణంగా కొట్టాడు. రోడ్డుపైనే కిందపడేసి కాలితో మొహంపై విపరీతంగా తన్నాడు. ఎంతలా అంటే బాధితురాలు రోడ్డుపైనే ఆమె స్పృహ కోల్పోయారు. సమాచారం అందుకున్న పోలీసులు ఘటనా స్థలానికి చేరుకుని బాధితురాలిని ఆసుపత్రికి తరలించారు. నిందితుడిని అరెస్ట్ చేశారు.
Updated Date - 2022-12-25T19:19:32+05:30 IST