Prime Minister: జనవరి 12న బెళగావికి ప్రధాని రాక..?
ABN, First Publish Date - 2022-12-17T11:16:30+05:30
ప్రధానమంత్రి నరేంద్రమోదీ(Prime Minister Narendra Modi) కర్ణాటక పర్యటనల పరంపరకు తెరలేస్తోంది. స్వామి వివేకానంద జయంతిని
బెంగళూరు, డిసెంబరు 16 (ఆంధ్రజ్యోతి): ప్రధానమంత్రి నరేంద్రమోదీ(Prime Minister Narendra Modi) కర్ణాటక పర్యటనల పరంపరకు తెరలేస్తోంది. స్వామి వివేకానంద జయంతిని పురస్కరించుకుని జనవరి 12న జాతీయ యువదినోత్సవాల ప్రారంభ సమావేశంలో పాల్గొనేందుకు బెళగావి నగరానికి ప్రధాని వస్తున్నట్లు సమాచారం. దేశవ్యాప్తం గా వివిధ రాష్ట్రాలకు చెందిన ఆరువేల మంది విద్యార్థులు పాల్గొననున్నారు. బెళగావి జిల్లా క్రీడా మైదానంలో రెండురోజుల జాతీయ యువజనోత్సవాలు జరగనున్నాయి. ఏటా ఓ ప్రాంతంలో జాతీయ స్థాయిలో యువజనోత్సవాలు జరిపే సంప్రదాయం ఉంది. ఇందులో భాగంగానే 2023 ఏడాదిలో బెళగావిలో జరిగేలా తీర్మానించారు. ఇందుకు సంబంధించి ప్రక్రియలు ఇప్పటికే ప్రారంభమయ్యాయి. యువజనోత్సవాల్లో పుస్తక మేళా కూడా ఏర్పాటు చేస్తున్నారు. ఇప్పటికే ప్రధానమంత్రి కార్యాలయం కూడా పర్యటనకు అంగీకరించినట్లు సమాచారం.
Updated Date - 2022-12-17T11:16:32+05:30 IST