Americaలో దుమ్ము లేపుతున్న ‘సర్కారు వారి పాట’
ABN, First Publish Date - 2022-05-22T00:23:59+05:30
అగ్రరాజ్యం అమెరికాలో సూపర్ స్టార్ మహేష్ బాబు, కీర్తి సురేశ్ తొలిసారి జంటగా నటించిన ‘సర్కారు వారి పాట’ సినిమా దుమ్ము లేపుతోంది. కోట్లు కొల్లగొడుతూ విజయవంతంగా దూసుకువెళ్తోంది. దర్శ
ఓవర్సీస్ సినిమా: అగ్రరాజ్యం అమెరికాలో సూపర్ స్టార్ మహేష్ బాబు, కీర్తి సురేశ్ తొలిసారి జంటగా నటించిన ‘సర్కారు వారి పాట’ సినిమా దుమ్ము లేపుతోంది. కోట్లు కొల్లగొడుతూ విజయవంతంగా దూసుకువెళ్తోంది. దర్శకుడు పరశురామ్ తెరకెక్కించిన ఈ సినిమా ప్రపంచ వ్యాప్తంగా మే 12న విడుదల అవగా.. ఒక్క అమెరికాలో ఇప్పటి వరకు 2.2 మిలియన్ డాలర్ల (రూ.17కోట్లకుపైగా) గ్రాస్‌ వసూలు చేసింది. ఈ విషయాన్ని చిత్ర యునిట్ అధికారింగా ప్రకటించింది. తమ అభిమాన నటుడి సినిమా అగ్రరాజ్యంలో రికార్డు స్థాయిలో వసూలు చేస్తుండటంతో అభిమానల ఆనందానికి అవధుల్లేకుండా పోయాయి.
ఇదిలా ఉంటే.. ఇక ఈ చిత్రం అగ్రరాజ్యంలో సుమారు 603 పైచిలుకు లొకేషన్స్‌లో విడుదలైంది. మహేశ్ కెరీర్‌లోనే యూఎస్‌లో ఇంత భారీగా విడుదలవడం ఇదే తొలిసారి. బ్యాంకింగ్ స్కామ్ వంటి డిఫరెంట్ కథాంశంతో తెరకెక్కిన ఈ మూవీకి ఎస్ఎస్ థమన్ సంగీతం అందించిన ఈ చిత్రంలో వెన్నెల కిషోర్, సుబ్బ‌రాజు, న‌దియా, త‌నికెళ్ల భ‌ర‌ణి త‌దిత‌రులు ఇతర కీలక పాత్ర‌ల్లో నటించారు.
Updated Date - 2022-05-22T00:23:59+05:30 IST