Viral Video: స్టాప్.. స్టాప్ అంటూ బస్సును ఆపిన ఏనుగు.. చివరకు ఏం చేసిందో మీరే చూడండి..
ABN, First Publish Date - 2022-10-24T18:16:10+05:30
వాహనాల రాకపోకలతో ఓ రోడ్డు రద్దీగా ఉంటుంది. అంతలో ఓ ఏనుగు రోడ్డు పైకి వస్తుంది. కాసేపు ఆగాక ఏదో అర్జంట్ పని ఉన్నట్లుగా.. సరాసరి నేరుగా ఓ బస్సు ముందుకు వెళ్తుంది. స్టాప్.. స్టాప్.. అంటూ బస్సును ఆపుతుంది. ఒక్కసారిగా ఏనుగు ఎదురుగా రావడంతో డ్రైవర్ భయపడిపోయి..
కొన్నిసార్లు కొన్ని జంతువులు విచిత్రంగా ప్రవర్తిస్తుంటాయి. కొన్ని జంతువులతై మనుషులను మక్కీకి మక్కీ అనుకరిస్తుంటాయి. కోతులు, కుక్కలు, చింపాంజీలు, ఏనుగులు.. ఇలా చాలా జంతువులను మనుషుల మాదిరి ప్రవర్తించడం తరచూ చూస్తుంటాం. ఇలాంటి వీడియోలు సోషల్ మీడియాలో తెగ వైరల్ అవుతుంటాయి. ప్రస్తుతం ఏనుగుకు సంబంధించిన ఓ వీడియో వైరల్ అవుతోంది. స్టాప్.. స్టాప్.. అంటూ బస్సును ఆపిన ఏనుగు చివరకు విచిత్రంగా ప్రవర్తిస్తుంది. ఈ వీడియో నెటిజన్లను విపరీతంగా ఆకట్టుకుంటోంది.
ట్విట్టర్‌లో ఓ వీడియో వైరల్ (Twitter viral videos) అవుతోంది. వాహనాల రాకపోకలతో ఓ రోడ్డు రద్దీగా ఉంటుంది. అంతలో ఓ ఏనుగు రోడ్డు పైకి వస్తుంది. కాసేపు ఆగాక ఏదో అర్జంట్ పని ఉన్నట్లుగా.. సరాసరి నేరుగా ఓ బస్సు ముందుకు వెళ్తుంది. స్టాప్.. స్టాప్.. అంటూ బస్సును ఆపుతుంది. ఒక్కసారిగా ఏనుగు ఎదురుగా రావడంతో డ్రైవర్ భయపడిపోయి.. బస్సును ఆపేస్తాడు. తర్వాత మెల్లగా డోరు వద్దకు వెళ్లి.. లోపలికి ఎక్కేందుకు ప్రయత్నిస్తుంది. సాధ్యం కాకపోయినా లోపలికి వెళ్లాలని చూస్తుంది. బస్సును ఎక్కడ తోసేస్తుందో అనే భయంతో డ్రైవర్.. మెల్లమెల్లగా ముందుకు పోనిస్తాడు. ఏనుగు కూడా శాంతంగా ఉండడంతో.. బతుకుజీవుడా అనుకుంటూ బస్సు డ్రైవర్ అక్కడి నుంచి వేగంగా ముందుకు వెళ్తాడు. ఈ వీడియో ప్రస్తుతం నెట్టింట తెగ వైరల్ అవుతోంది. దీనిపై నెటిజన్లు ఫన్నీ ఫన్నీగా కామెంట్లు పెడుతున్నారు.
Updated Date - 2022-10-24T18:16:53+05:30 IST