Viral Video: ఈ పెద్దాయన టాపాసులు కాల్చే స్టైల్ చూస్తే.. షాక్ అవ్వాల్సిందే..
ABN, First Publish Date - 2022-10-24T17:46:00+05:30
ట్విట్టర్‌లో ఓ వీడియో వైరల్ (Twitter videos) అవుతోంది. దీపావళి (Diwali) సందర్భంగా ప్రతి ఒక్కరూ టపాసులు (Diwali Crackers) కాల్చడం మామూలే. అయితే ఇప్పుడు మనం చూడబోయే పెద్దాయన మాత్రం.. టపాసులను చాలా వెరైటీగా కాల్చడం.. అందరినీ ఆకట్టుకుంటోంది. ఓ చేతిలో కొన్ని రాకెట్లను..
దీపావళి సందర్భంగా దేశమంతా సంబరాలు జరుగుతున్నాయి. ఇక పల్లెల్లో అయితే చిన్నాపెద్దా తేడా లేకుండా టపాసులు కాల్చుతూ ఆనందంగా గడుపుతుంటారు. మహిళలు ఇంటి ఎదుట దీపాలు వెలిగించి, పూజలు నిర్వహిస్తుంటారు. దీంతో ఏ ఇల్లు చూసినా కొత్త వెలుగులతో కాతిమయంగా దర్శనమిస్తుంటుంది. ఇదిలావుండగా, టపాసులు కాల్చే సమయంలో ఒక్కొక్కరు ఒక్కోలా ప్రవర్తిస్తుంటారు. కొందరు టపాసులు కాల్చే విధానం విభిన్నంగా ఉంటుంది. ఇలాంటి వీడియోలు సోషల్ మీడియాలో తెగ వైరల్ (Social media viral videos) అవుతుంటాయి. ప్రస్తుతం ఓ పెద్దాయన టపాసులు కాల్చే వీడియో నెట్టింట తెగ చక్కర్లు కొడుతోంది.
ట్విట్టర్‌లో ఓ వీడియో వైరల్ (Twitter videos) అవుతోంది. దీపావళి (Diwali) సందర్భంగా ప్రతి ఒక్కరూ టపాసులు (Diwali Crackers) కాల్చడం మామూలే. అయితే ఇప్పుడు మనం చూడబోయే పెద్దాయన మాత్రం.. టపాసులను చాలా వెరైటీగా కాల్చడం.. అందరినీ ఆకట్టుకుంటోంది. ఓ చేతిలో కొన్ని రాకెట్లను పట్టుకుని, మరో చేత్తో ఒక్కొక్కటిగా తీసుకుని నోట్లోని సిగరెట్‌కు అంటిస్తాడు. ఇలా చకచకా సిగరెట్‌తో అంటించడం, పైకి వదలడం.. రెప్పపాటు కాలంలో జరిగిపోతుంది. స్థానిక యువకులు వీడియో తీసి, సోషల్ మీడియాలో షేర్ చేశారు. పాత వీడియోనే అయినా ప్రస్తుతం తెగ వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు. ఇలా చేయడం ప్రమాదకరం అంటూ కొందరు, ఈ పెద్దాయన స్టైలే వేరు... అని మరికొందరు కామెంట్లు పెడుతున్నారు.
Updated Date - 2022-10-24T17:47:55+05:30 IST