ఈ డెలివరీ బాయ్ చేసిన పనికి నిప్పులు చెరుగుతున్న మహిళ... కంపెనీకి అప్రతిష్ట అంటూ..
ABN, First Publish Date - 2022-11-24T10:54:57+05:30
మళ్ళీ కాలింగ్ బెల్ మోగడంతో సదరు మహిళ వెళ్ళి అనుమానంగానే తలుపు తీసింది.
ఇంటి కాలింగ్ బెల్ మోగగానే ఆ ఇంట్లో ఉన్న మహిళ వెళ్ళి తలుపులు తీసింది. ఆన్లైన్ లో ఆర్డర్ పెట్టిన సరుకులు ఇవ్వడానికి వచ్చిన డెలివరీ బాయ్ గుమ్మంలో నిలబడి ఉన్నాడు. అతని నుండి సరుకులు రిసీవ్ చేసుకుని ఆమె లోపలికి వెళ్ళిపోయింది. అయితే కొన్ని సెకెన్లలోనే మళ్ళీ కాలింగ్ బెల్ మోగడంతో సదరు మహిళ వెళ్ళి అనుమానంగానే తలుపు తీసింది. ఎదురుగా మళ్ళీ డెలివరీ బాయ్ నిలబడుకుని ఉన్నాడు. ఏదైనా ఇవ్వడం మరిచిపోయాడేమో అనుకుంద ఆ మహిళ. అయితే అతను ఆమెతో దయచేసి కోపం చేసుకోకండి. మీ వయసు ఎంత అని అడిగాడు.
నా వయసుతో ఇతనికేంటి పని అని మనసులో అనిపించినా అతను ముందే రిక్వెస్ట్ గా అడగడం వల్ల ఆ మహిళ తన వయసు 33సంవత్సరాలని చెప్పింది. ఆమె అలా చెప్పగానే సదరు డెలివరీ బాయ్ వేగంగా ముందుకు కదిలి ఆ మహిళ ముఖాన్ని పట్టుకుని ముద్దుపెట్టుకోబోయాడు. అయితే అతని వాలకం గమనించి జరగకూడనిది ఏదో జరుగుతుందని అనుకున్న ఆ మహిళ అతన్ని విడిపించుకుని వేగంగా లోపలికి వెళ్ళి తలుపు వేసుకుంది. ఇదంతా ఇంటి బయట ఏర్పాటు చేసిన సిసి కెమెరాలో రికార్డ్ అయ్యింది. ఈ ఘటన నేపథ్యంలో ఆ మహిళ సదరు కంపెనీ వారిపై తీవ్రంగా విరుచుకుపడింది. ఇలాంటి వారిని పనిలో పెట్టుకోవడం ఏంటని, ఇది కంపెనీకి అప్రతిష్ట అంటూ విమర్శలు చేసింది. కాగా ఆ డెలివరీ బాయ్ వయసు దాదాపు 60 సంవత్సరాలు ఉంటాయట. ఆ వయసులో అతను అలా పని చేసుకుంటూ జీవించడం మెచ్చుకోవాల్సిన విషయం అయితే.. ఇలాంటి పనులు చేసి మాటలు పడటం ఏమిటో అని నెటిజన్లు అభిప్రాయ పడుతున్నారు. ఈ సంఘటన బ్రిటన్ లో చోటుచేసుకుంది.
Updated Date - 2022-11-24T11:14:55+05:30 IST