Viral Video: విద్యార్థినికి నెటిజన్ల హ్యాట్సాఫ్.. ఫుట్ పాత్‌పై వీధిలైట్ల వెలుగులో..
ABN, First Publish Date - 2022-10-28T10:03:21+05:30
జీవితంలో ఉన్నత స్థాయికి చేరాలంటే.. చదువు తప్పనిసరి. ఈ విషయాన్ని ఓ విద్యార్థిని గుర్తించింది. అందుకే.. ఎన్ని అవాంతరాలు ఎదురైనా చదువును మాత్రం అశ్రద్ధ చేయడం లేదు. ఈ క్రమంలోనే ఆ అమ్మాయికి సంబంధించిన ఓ వీడియో
ఇంటర్నెట్ డెస్క్: జీవితంలో ఉన్నత స్థాయికి చేరాలంటే.. చదువు తప్పనిసరి. ఈ విషయాన్ని ఓ విద్యార్థిని గుర్తించింది. అందుకే.. ఎన్ని అవాంతరాలు ఎదురైనా చదువును మాత్రం అశ్రద్ధ చేయడం లేదు. ఈ క్రమంలోనే ఆ అమ్మాయికి సంబంధించిన ఓ వీడియో నెట్టింట వైరల్‌గా మారింది. అదిచూసి నెటిజన్లు.. సదరు విద్యార్థినిపై ప్రశంసల వర్షం కురిపిస్తున్నారు. ఈ నేపథ్యంలో అందుకు సంబంధించిన పూర్తి వివరాల్లోకి వెళితే..
ఇంట్లో విద్యుత్ సరఫరా నిలిచిపోయిందో ఏమో తెలియదు కానీ ఓ విద్యార్థిని.. పుస్తకాలను పట్టుకుని రోడ్డుపైకి వచ్చేసింది. స్కూల్ యునిఫాంలోనే ఫుట్‌పాత్‌పై కూర్చుని.. పాఠ్యాపుస్తకాలను ముందేసుకుని చదువులో లీనమైపోయింది(Girl Spotted Studying Under Traffic Light). రోడ్డుపై వాహనాలు శబ్దాలు చేస్తూ వెళ్తున్న ఆ విద్యార్థిని మాత్రం చూపు తిప్పుకోకుండా శ్రద్ధ చదువుకోవుకుంటోంది. ఆ వీధి వెంట కారులో ప్రయాణిస్తున్న ఓ ప్రయాణికుడు.. విద్యార్థిని దృశ్యాలను చిత్రీకరించి వీడియోను సోషల్ మీడియా(Social Media)లో పోస్ట్ చేశారు. దీంతో ఆ వీడియో కాస్తా వైరల్‌(Viral)గా మారింది. ఈ ఘటన ఎక్కడ చోటు చేసుకుందన్న విషయంపై సరైన సమాచారం లేకున్నా.. వీడియోపట్ల నెటిజన్లు రియాక్ట్ అవుతున్నారు. విద్యార్థిని హ్యాట్సాఫ్‌తోపాటు ‘అల్ ది బెస్ట్’ చెబుతూ కామెంట్స్ చేస్తున్నారు.
Updated Date - 2022-10-28T10:39:51+05:30 IST