Ori Devuda OTT Release: సడెన్ సర్‌ఫ్రైజ్.. ఓటీటీలోకి విశ్వక్ సేన్ కొత్త సినిమా!
ABN, First Publish Date - 2022-11-10T14:20:30+05:30
యువ నటుడు విశ్వక్ సేన్ (Vishwak Sen) తాజా చిత్రం ‘ఓరి దేవుడా’ (Ori Devuda). మిథిలా పాల్కర్ (Mithila Palkar), ఆశా భట్ (Asha Bhat) హీరోయిన్లుగా నటించారు.
యువ నటుడు విశ్వక్ సేన్ (Vishwak Sen) తాజా చిత్రం ‘ఓరి దేవుడా’ (Ori Devuda). మిథిలా పాల్కర్ (Mithila Palkar), ఆశా భట్ (Asha Bhat) హీరోయిన్లుగా నటించారు. విక్టరీ వెంకటేశ్ (Venkatesh) అతిథి పాత్రలో నటించాడు. తమిళ చిత్రం ‘ఓ మై కడవులే’ (Oh My Kadavule)కి రిమేక్‌గా తెరకెక్కిన ఈ చిత్రానికి మాతృక డైరెక్టర్ అశ్వథ్ మారిముత్తునే దర్శకత్వం వహించాడు. దీపావళి సందర్భంగా అక్టోబర్ 21న థియేటర్స్‌లో విడుదలైనీ చిత్రానికి మిక్స్‌డ్ టాక్ వచ్చింది. ఈ సినిమా అనుకున్నంత విజయం సాధించకపోవడంతో అనుకున్న దాని కంటే ముందే ఓటీటీ విడుదలకి సిద్ధమైంది. దీనికి సంబంధించిన అధికారిక ప్రకటనని ఈ సినిమాని కొనుక్కున్న ఆహా వీడియో సోషల్ మీడియా వేదికగా ప్రకటించింది.
ఆహా యాజమాన్యం చేసిన ట్వీట్‌లో.. ‘దేవుడా ఓ మంచి దేవుడా తినడానికి పాలకూర పప్పు ఇచ్చావు. ఆలు ఫ్రై ఇచ్చావు. నాలాగే ఈ ప్రపంచం లో ఉన్న వాళ్లందరి కోసం చూడడానికి ఆహలో "ఓరిదేవుడా" ఇచ్చావు. మా పీడీ మీకు కొంచెం కొత్తగా అనిపించొచ్చు. ఈరోజు (నవంబర్ 11) రాత్రి 12 గంటలకు ఓరి దేవడా ప్రీమియర్ కాబోతోంది’ అని రాసుకొచ్చింది. పీవీపీ సినిమా, శ్రీ వెంకటేశ్వర క్రియేషన్స్ సంయుక్తంగా నిర్మించిన ఈ చిత్రానికి లియోన్ జేమ్స్ సంగీతం అందించారు.
కథేంటంటే..
అర్జున్ (విశ్వక్ సేన్), అను (మిథిలా పాల్కర్) చిన్ననాటి స్నేహితులు. అను ఇష్టపడటంతో అర్జున్ ఆమెను పెళ్లి చేసుకోవాల్సి వస్తుంది. కానీ, ఆ తరవాత అసలు కథ మొదలవుతుంది. అను ప్రతి విషయంలో అర్జున్‌పైన అనుమానపడుతుంటుంది. మరోవైపు అర్జున్ మాత్రం తన ఫ్రీడంని కోల్పోయినట్లు ఫీల్ అవుతూ ఉంటాడు. దీంతో వారిద్దరి మధ్య గొడవలు జరిగి డైవోర్స్ తీసుకోవాలని ఫిక్స్ అవుతారు. ఈ తరుణంలోనే దేవుడికి తనకి సెకండ్ ఛాన్స్ ఇవ్వమని కోరుకుంటాడు. దేవుడు (వెంకటేశ్) కూడా కొన్ని షరతులతో అందుకు అంగికరిస్తాడు. ఆ తర్వాత ఏం జరిగిందనే ఈ చిత్ర కథాంశం.
Updated Date - 2022-11-10T14:20:56+05:30 IST