Venkaiah Naidu: కృష్ణం వందే యశోదరం పాటపై వెంకయ్య ప్రశంసలు
ABN, First Publish Date - 2022-11-17T16:07:00+05:30
కృష్ణం వందే యశోదరం పాటపై మాజీ ఉపరాష్ట్రపతి ఎం. వెంకయ్యనాయుడు ప్రశంసలు కురిపించారు.
krishnam vande yashodharam
హైదరాబాద్: 'కృష్ణం వందే యశోదరం' పాటపై మాజీ ఉపరాష్ట్రపతి ఎం. వెంకయ్యనాయుడు ప్రశంసలు కురిపించారు. తెలుగంత మధురంగా ఉందన్నారు. ఇటీవలే ఆదిత్యమ్యూజిక్‌ య్యూటూబ్‌ ఛానెల్‌లో విడుదలైన ఈ పాట ప్రేక్షకుల ఆదరణ పొందింది. ఈ పాట నిర్మాత చిత్రలేఖ మామిడిశెట్టి వెంకయ్యనాయుడును కలిశారు. వీడియో సాంగ్‌ను తిలకించిన ఆయన.. తెలుగు జాతి హుందాతనం, అమ్మ ప్రేమ కమ్మదనం ఉట్టిపడేలా ఈ పాటను చిత్రీకరించారని అభినందించారు. రకరకాల భాషలు, సరికొత్త సంస్కృతుల మధ్య స్వచ్ఛమైన అనుభూతికి కాసింత దూరమై.. అసహజ భావనల నడుమ సతమతమవుతోన్న భారతీయతకు ప్రాణం పోసే ఇటువంటి మరిన్ని పాటలు రూపొందించాలని వెంకయ్య సూచించారు.
Updated Date - 2022-11-17T16:11:50+05:30 IST