Tamilisai: మహా సుదర్శన నరసింహ హోమంలో పాల్గొన్న గవర్నర్
ABN, First Publish Date - 2022-12-25T18:57:04+05:30
మేడ్చల్‌-మల్కాజిగిరి జిల్లా మేడ్చల్‌ మండలం డబిల్‌పూర్‌ ఇస్కాన్‌ టెంపుల్‌లో ఆదివారం నిర్వహించిన మహా సుదర్శన నరసింహ హోమంలో గవర్నర్ తమిళిసై (Tamilisai) పాల్గొన్నారు.
మేడ్చల్‌: మేడ్చల్‌-మల్కాజిగిరి జిల్లా మేడ్చల్‌ మండలం డబిల్‌పూర్‌ ఇస్కాన్‌ టెంపుల్‌లో ఆదివారం నిర్వహించిన మహా సుదర్శన నరసింహ హోమంలో గవర్నర్ తమిళిసై (Tamilisai) పాల్గొన్నారు. గవర్నర్‌కు వేదపండితులు పూర్ణకుంభంతో ఘనస్వాగతం పలికారు. అనంతరం ప్రత్యేక అర్చనలు నిర్వహించారు. అలయ ప్రాంగణంలో నిర్వహించిన మహా సుదర్శన నరసింహ హోమంలో పాల్గొనడం సంతోషంగా ఉందని గవర్నర్ ఈసందర్భంగా తెలిపారు. తెలంగాణ (Telangana) ప్రజలు సుఖసంతోషాలతో ఉండాలని ఆకాంక్షించారు. మొదటిసారిగా ఇస్కాన్‌ టెంపుల్‌ (Iskcon Temple)కు రావడం సంతోషంగా ఉందన్నారు. కాగా, తాను గవర్నర్‌గా రాలేదని, ఓ భక్తురాలిగా ఇక్కడికి వచ్చానని అన్నారు. కరోనా సమయంలో ఇస్కాన్‌ సంస్థ ఆధ్వర్యంలో ఎన్నో సామాజిక సేవా కార్యక్రమాలు నిర్వహించారని తమిళిసై గుర్తుచేశారు.
Updated Date - 2022-12-25T18:57:05+05:30 IST