సీబీఐకి అనుమతి ఉపసంహరించుకున్న తెలంగాణ
ABN, First Publish Date - 2022-12-15T03:33:36+05:30
తెలంగాణ సహా 9 రాష్ట్రాలు సీబీఐకి సాధారణ అనుమతి(జనరల్‌ కన్సెంట్‌)ని ఉపసంహరించుకున్నట్లు కేంద్ర మంత్రి జితేంద్ర సింగ్‌ తెలిపారు.
పార్లమెంట్‌లో కేంద్ర మంత్రి
న్యూఢిల్లీ, డిసెంబర్‌ 14 (ఆంధ్రజ్యోతి): తెలంగాణ సహా 9 రాష్ట్రాలు సీబీఐకి సాధారణ అనుమతి(జనరల్‌ కన్సెంట్‌)ని ఉపసంహరించుకున్నట్లు కేంద్ర మంత్రి జితేంద్ర సింగ్‌ తెలిపారు. బుధవారం లోక్‌ సభలో కేరళ ఎంపీ ఆంటోనీ అడిగిన ప్రశ్నకు ఆయన సమాధానమిస్తూ ఢిల్లీ స్పెషల్‌ పోలీస్‌ ఎస్టాబ్లిష్‌ మెంట్‌ చట్టం, 1946లోని సెక్షన్‌ 6 కింద రాష్ట్రాల పరిధిలో దర్యాప్తు చేసేందుకు సీబీఐకి ఆయా రాష్ట్రాల అనుమతి అవసరమని చెప్పారు. తాజాగా తెలంగాణ, పశ్చిమ బెంగాల్‌, రాజస్థాన్‌, పంజాబ్‌, ఛత్తీస్‌ఘడ్‌, జార్ఖండ్‌, కేరళ, మేఘాలయ, మిజోరం రాష్ట్రాలు ఈ అనుమతిని ఉపసంహరించుకున్నాయని ఆయన తెలిపారు.
Updated Date - 2022-12-15T03:33:46+05:30 IST