Minister Gangula: ఆయన మమ్మల్ని డబ్బులు అడగలేదు...
ABN, First Publish Date - 2022-12-04T14:47:37+05:30
నకిలీ సీబీఐ అధికారి శ్రీనివాస్ (Fake CBI Officer Srinivas) అనే వ్యక్తితో తనకు పరిచయం లేదని మంత్రి గంగుల కమలాకర్ (Minister Gangula Kamalakar) తెలిపారు.
కరీంనగర్: నకిలీ సీబీఐ అధికారి శ్రీనివాస్ (Fake CBI Officer Srinivas) అనే వ్యక్తితో తనకు పరిచయం లేదని మంత్రి గంగుల కమలాకర్ (Minister Gangula Kamalakar) తెలిపారు. ఆదివారం ఆయన ఇక్కడ మీడియాతో మాట్లాడుతూ మున్నూరు కాపు సామాజిక వర్గం పెద్దలు శ్రీనివాస్‌ను తనకు పరిచయం చేశారని.. శ్రీనివాస్ అరెస్టుకు మూడు రోజుల ముందు కలిశామన్నారు. ఆయన మమ్మల్ని డబ్బులు అడగలేదని.. తాము ఇవ్వలేదని స్పష్టం చేశారు. కాపు కులం కాబట్టే కలిశానన్నారు. చట్టానికి సహకరిస్తానని సీబీఐ అధికారులకు చెప్పానని.. తన స్టేట్ మెంట్‌ను రికార్డు చేసుకున్నారని తెలిపారు. మళ్లీ మళ్ళీ రాకూడదనే.. ఢిల్లీలో 8 గంటలు విచారణ చేపట్టారన్నారు. తన బావకు శ్రీనివాస్ పరిచయమని.. ఆయనకు తమకు ఎలాంటి లావాదేవీలు జరగలేదని మంత్రి గంగుల కమలాకర్ స్పష్టం చేశారు.
Updated Date - 2022-12-04T14:47:43+05:30 IST