Khammam Dist.: కామంచికల్లులో ఉద్రిక్తత.. సీపీఐ వర్సెస్ టీఆర్ఎస్..
ABN, First Publish Date - 2022-12-02T13:41:49+05:30
ఖమ్మం జిల్లా: రఘునాథపాలెం మండలం, కామంచికల్లులో ఉద్రిక్తత నెలకొంది. నిన్న (గురువారం)సీపీఐ (CPI)ని వీడి టీఆర్ఎస్ (TRS)లో చేరిన సీపీఐ...
ఖమ్మం జిల్లా: రఘునాథపాలెం మండలం, కామంచికల్లులో ఉద్రిక్తత నెలకొంది. నిన్న (గురువారం)సీపీఐ (CPI)ని వీడి టీఆర్ఎస్ (TRS)లో చేరిన సీపీఐ సర్పంచ్ కుమారుడు, ఉపసర్పంచ్‌తో పాటు పలువురు పార్టీ మారాటంపై సీపీఐ నేతలు అభ్యంతరం వ్యక్తం చేశారు. ఈ నేపథ్యంలో కామంచికల్లుకి వచ్చిన సీపీఐ నాయకుడు పుచ్చకాయల కమలాకర్‌ని ఊర్లోకి రావోద్దంటూ గొడవ చేశారు. ఈ క్రమంలో సీపీఐ, టీఆర్ఎస్ శ్రేణుల మధ్య వివాదం జరిగింది. దీంతో సీపీఐ కార్యకర్తలపై టీఆర్ఎస్ శ్రేణులు దాడి చేశారు. దీంతో టీఆర్ఎస్ కార్యకర్తలపై కేసు నమోదు చేయాలని డిమాండ్ చేస్తూ సీపీఐ రాష్ట్ర నాయకుడు హేమంత రావు, జిల్లా కార్యదర్శి పోటు ప్రసాద్‌తో పాటు కార్యకర్తలు రోడ్డుపై బైఠాయించి నిరసన తెలిపారు. అక్కడ ఎలాంటి అవాంఛనీయ సంఘటనలు జరగకుండా పోలీసులు భారీ బందోబస్తు ఏర్పాటు చేశారు. పూర్తి సమాచారం అందవలసి ఉంది.
Updated Date - 2022-12-02T13:41:53+05:30 IST