లింగారెడ్డిపేటలో నక్ష రోడ్డు కబ్జా
ABN, First Publish Date - 2022-11-27T23:46:04+05:30
మండలంలోని లింగారెడ్డిపేట గ్రామంలో రోడ్డును కబ్జా చేసి వెంచర్‌ను ఏర్పాటు చేశారు. ఈ వెంచర్‌ రావెల్లి, లింగారెడ్డిపేట గ్రామాల భూములకు ఆనుకొని ఉండడంతో ఈ రెండు గ్రామాల ప్రజలు ఈ నక్ష రోడ్డు గుండానే తమ పొలాలకు వెళ్లేవారు.
మనోహరాబాద్‌, నవంబరు 27: మండలంలోని లింగారెడ్డిపేట గ్రామంలో రోడ్డును కబ్జా చేసి వెంచర్‌ను ఏర్పాటు చేశారు. ఈ వెంచర్‌ రావెల్లి, లింగారెడ్డిపేట గ్రామాల భూములకు ఆనుకొని ఉండడంతో ఈ రెండు గ్రామాల ప్రజలు ఈ నక్ష రోడ్డు గుండానే తమ పొలాలకు వెళ్లేవారు. సర్వే నంబర్‌ 72కు ఆనుకొని ఉన్న రోడ్డును కబ్జా చేసి వెంచర్‌ యాజమాన్యం అక్రమంగా రేకు గోడలను ఏర్పాటు చేశారు. ఈ విషయమై అధికారులకు, ప్రజాప్రతినిధులకు ఫిర్యాదు చేసిన చూసి చూడనట్లు వ్యవహరిస్తున్నారని గ్రామస్థులు మండిపడుతున్నారు. ఈ దారి గుండానే మల్లికార్జున స్వామి, ఎల్లమ్మ, పోచమ్మ ఆలయాలకు వెళ్లేవాళ్లమని, ఇప్పటికైనా అధికారులు స్పందించి రెండు గ్రామాల ప్రజలకు న్యాయం చేయాలని గ్రామ ప్రజలు ఆవేదన వ్యక్తం చేస్తున్నారు.
Updated Date - 2022-11-27T23:46:06+05:30 IST