Prabhakar Reddy: దుబ్బాక ఎమ్మెల్యేపై తీవ్ర వ్యాఖ్యలు
ABN, First Publish Date - 2022-11-30T16:18:52+05:30
ఒక దరిద్రుడు ఇక్కడ ఎమ్మెల్యే కావడం మన దురదృష్టం. సిగ్గు, శరం లేకుండా తన వల్లే భుంపల్లి కొత్త మండలం వచ్చిందని చెప్పుకుంటున్నాడు. నియోజకవర్గంలో టీఆర్ఎస్ ఏది చేసినా తానే చేసినట్లు చెప్పుకుంటున్నాడు.
సిద్దిపేట: తెలంగాణ సాధనలో దుబ్బాకకు చెందిన ప్రతి టీఆర్ఎస్ కార్యకర్త ఓ సైనికుడై పోరాడారని ఎంపీ కొత్త ప్రభాకర్ రెడ్డి(Prabhakar Reddy) ప్రశంసించారు. దుబ్బాక టీఆర్ఎస్ విస్తృత స్థాయి కార్యకర్తల సమావేశానికి మంత్రి హరీశ్‌రావు(Minister Harish Rao), ఎంపీ కొత్త ప్రభాకర్‌రెడ్డి హాజరయ్యారు. అంతకముందు దుబ్బాక మండలం చిట్టాపూర్ గ్రామ శివారు మోతె నుంచి పార్టీ శ్రేణులతో మంత్రి, ఎంపీ భారీ బైక్ ర్యాలీ చేశారు. ఈ సందర్భంగా దుబ్బాక ఎమ్మెల్యే(Dubbaka MLA Raghunandan Rao)పై ప్రభాకర్‌రెడ్డి తీవ్రస్థాయిలో ధ్వజమెత్తారు. ‘‘పట్టించుకోవడం లేదన్న బాధ కార్యకర్తల్లో ఉంది. ఒక దరిద్రుడు ఇక్కడ ఎమ్మెల్యే కావడం మన దురదృష్టం. సిగ్గు, శరం లేకుండా తన వల్లే భుంపల్లి కొత్త మండలం వచ్చిందని చెప్పుకుంటున్నాడు. నియోజకవర్గంలో టీఆర్ఎస్ ఏది చేసినా తానే చేసినట్లు చెప్పుకుంటున్నాడు. నేషనల్ హైవే‌లు సైతం తానే తెచ్చానంటున్నాడు.. ఎమ్మెల్యేలకు హైవేలకు సంబంధం ఉంటుందా? ఎంపీకి సంబంధం ఉంటుందా..? అబద్ధాల యూనివర్సిటీ ఉంటే దానికి వీసీ ఇక్కడ ఎమ్మెల్యేనే అవుతాడు. మనం పది పనులు చేసినా రెండు కూడా చెప్పుకొం.. తాను ఒక్క పని చేయకున్నా పది చేసినట్లు చెప్పుకుంటాడు. మొన్న బైపోల్‌లో ఏదో పొరపాటు జరిగింది. వచ్చే ఎన్నికల్లో ఆ పొరపాటు మళ్లీ జరగకుండా చూసుకోవాలి’’ అని కార్యకర్తలకు ప్రభాకర్‌రెడ్డి పిలుపునిచ్చారు.
Updated Date - 2022-11-30T16:18:54+05:30 IST