Vaishali Kidnap Case: ముగిసిన నవీన్‌రెడ్డి పోలీస్‌ కస్టడీ.. మళ్లీ జైలుకు
ABN, First Publish Date - 2022-12-26T21:10:14+05:30
తెలుగు రాష్ట్రాల్లో సంచలనం రేపిన మన్నెగూడ దంత వైద్యురాలు వైశాలి అపహరణ కేసులో ప్రధాన నిందితుడు కొడుదుల నవీన్‌రెడ్డి..
ఆదిభట్ల: తెలుగు రాష్ట్రాల్లో సంచలనం రేపిన మన్నెగూడ దంత వైద్యురాలు వైశాలి అపహరణ కేసులో ప్రధాన నిందితుడు కొడుదుల నవీన్‌రెడ్డి (Naveen Reddy)కి రంగారెడ్డి జిల్లా కోర్టు విధించిన 3రోజుల కస్టడీ సోమవారంతో ముగిసింది. రంగారెడ్డి జిల్లా (Ranga Reddy District) కోర్టు ఆదేశాలతో మూడు రోజుల పోలీస్‌ కస్టడీ (Police custody) నిమిత్తం ఈనెల 24న శనివారం నవీన్‌రెడ్డిని పోలీసులు అదుపులోకి తీసుకున్నారు. ఇబ్రహీంపట్నం ప్రభుత్వ ఆసుపత్రిలో వైద్యపరీక్షల అనంతరం ఆదిభట్ల పోలీ్‌సస్టేషన్‌కు తరలించారు. విచారణలో భాగంగా రెండవ రోజు కిడ్నాప్‌ సంఘటన జరిగిన వైశాలి ఇంటి వద్ద హస్థీనాపూర్‌లోని మిస్టర్‌ టీ ప్రధాన కార్యాలయానికి తీసుకెళ్లి కేసు రీ కన్‌స్ట్రక్షన్‌ నిర్వహించారు. మూడవ రోజు విచారణ తర్వాత వైద్య పరీక్షలు చేసి కోర్టులో హాజరుపర్చారు. కోర్టు ఆదేశాల మేరకు నవీన్‌రెడ్డిని సాయంత్రం జైలుకు తరలించారు.
Updated Date - 2022-12-26T21:10:16+05:30 IST