విద్యుదాఘాతంతో వలస కూలీ మృతి
ABN, First Publish Date - 2022-11-06T00:06:59+05:30
విద్యుదాఘాతంతో వలస కూలి మృతిచెందిన ఘటన చాకలిగూడ ప్రెస్టేజ్‌ వెంచర్‌లో శనివారం చోటుచేసుకుంది.
మొయినాబాద్‌ నవంబరు 5: విద్యుదాఘాతంతో వలస కూలి మృతిచెందిన ఘటన చాకలిగూడ ప్రెస్టేజ్‌ వెంచర్‌లో శనివారం చోటుచేసుకుంది. జార్ఖండ్‌కు చెందిన గురాలామ్య(23) బతుకు దెరువు నిమిత్తం మూడు సంవత్సరాలుగా మొయినాబాద్‌లో ఉంటూ రాజశేఖర్‌ అనే కాంట్రాక్టర్‌ వద్ద కరెంటు పనిచేస్తున్నాడు. శనివారం సాయంత్రం కేతిరెడ్డిపల్లి పరిధి చాకలిగూడ సమీపంలో విద్యుత్‌ మరమ్మతులు చేస్తుండగా విద్యుదాఘాతానికి గురయ్యాడు. మొయినాబాద్‌లోని ఓ ప్రైవేట్‌ ఆసుపత్రికి తీసుకెళ్లగా అప్పటికే మృతిచెందినట్లు వెద్యులు తెలిపారు. విషయం బయటకు రాకుండా కాంట్రాక్టర్‌ ప్రయత్నించగా అక్కడి వారు పోలీసులకు ఫిర్యాదు చేయగా కేసు దర్యాప్తు చేస్తున్నారు.
Updated Date - 2022-11-06T00:07:00+05:30 IST