రైలు కింద పడి యువకుడి ఆత్మహత్య
ABN, First Publish Date - 2023-08-07T23:30:57+05:30
గుత్తి రైల్వే జీఆర్‌పీ పరిధిలోని బసినేపల్లి గ్రామ సమీపంలో రైలు కింద పడి కురుబ రామచంద్ర(33) అనే వ్యక్తి ఆత్మహత్య చేసుకున్నట్లు జీఆర్‌పీ ఎస్‌ఐ నాగప్ప తెలిపారు.
రైలు కింద పడి యువకుడి ఆత్మహత్య
గుత్తి, అగస్టు 7: గుత్తి రైల్వే జీఆర్‌పీ పరిధిలోని బసినేపల్లి గ్రామ సమీపంలో రైలు కింద పడి కురుబ రామచంద్ర(33) అనే వ్యక్తి ఆత్మహత్య చేసుకున్నట్లు జీఆర్‌పీ ఎస్‌ఐ నాగప్ప తెలిపారు. కర్నూలు జిల్లా తుగ్గలి మండలం కడమకుంట్ల గ్రామానికి చెందిన కురబ రామచంద్ర అప్పులు అధికం కావటంతో అవి తీర్చే మార్గం తెలియక తీవ్ర మనస్థాపానికి గురై రైలు కింద పడి ఆత్మహత్య చేసుకున్నట్లు ఎస్‌ఐ తెలిపారు. మృతదేహాన్ని పోస్టు మార్టం నిమిత్తం గుత్తి ప్రభుత్వ ఆసుపత్రికి తరలించారు. కుటుంబ సభ్యుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ తెలిపారు.
మహిళ...
తాడిపత్రిటౌన: మండలంలోని చల్లవారిపల్లి రైల్వేస్టేషన సమీపంలో సోమవారం రైలుకిందపడి రమాదేవి (24) ఆత్మహత్య చేసుకున్నట్లు రైల్వే ఎస్‌ఐ నాగప్ప తెలిపారు. మండలంలోని చిన్నపొలమడ గ్రామానికి చెందిన రామాంజనేయులు, లక్ష్మిదేవిల కుమార్తె రమాదేవి సోమవారం రైలుకిందప డి ఆత్మహత్యకు పాల్పడిందన్నారు. ఆత్మహత్యకు గల కారణాలు తెలియరాలేదు. తల్లిదండ్రుల ఫిర్యాదుమేరకు కేసు నమోదుచేసినట్లు ఎస్‌ఐ తెలిపారు.
Updated Date - 2023-08-07T23:31:11+05:30 IST