సామూహిక సూర్యనమస్కారాలు
ABN, First Publish Date - 2023-01-28T23:54:01+05:30
రథసప్తమి వేడుకల సందర్భంగా స్థానిక మార్కెట్‌ యార్డ్‌లో శనివారం ఉదయం ఉచిత యోగా కేంద్రం ఆధ్వర్యంలో సూర్యనమస్కారాలు చేశారు.
ధర్మవరం, జనవరి 28: రథసప్తమి వేడుకల సందర్భంగా స్థానిక మార్కెట్‌ యార్డ్‌లో శనివారం ఉదయం ఉచిత యోగా కేంద్రం ఆధ్వర్యంలో సూర్యనమస్కారాలు చేశారు. ఉదయం 6గంటల నుంచి 8గంటల వరకు వందమంది సభ్యులతో యోగా గురువు గొల్ల నారాయణరెడ్డి ఆధ్వర్యంలో 108 సూర్యనమస్కారాలు చేశారు. ఈ కార్యక్రమంలో 17వవార్డు కౌన్సిలర్‌ నీలూరి వెంకటరాముడు, తదితరులు పాల్గొన్నారు. అలాగే సాంస్కృతిక మండలిలో ధర్మవరం యోగా అసోసియేషన ఆధ్వర్యంలో 108 సామూహిక సూర్యనమస్కారాలు చేశారు. ముఖ్యఅతిఽథులుగా విశ్వహిందూపరిషత జిల్లా ప్రధానకార్యదర్శి పులిచెర్ల వేణుగోపాల్‌, యోగా మాస్టర్‌ రామన్న, ప్రసన్నకుమార్‌, తిరుమలేశ, ఈశ్వరయ్య, రవికుమార్‌, ఆర్గనైజర్‌ నరసింహ తదితరులు పాల్గొన్నారు.
పోతులనాగేపల్లి ప్రాథమికోన్నత పాఠశాలలో...
ధర్మవరంరూరల్‌: మండలంలోని పోతులనాగేపల్లి ప్రాథమికోన్నత పాఠశాలలో శనివారం రథసప్తమి వేడుకలను ఘనంగా జరుపుకున్నారు. ఈ సందర్భంగా ఉపా ధ్యాయుడు అపస్‌ జిల్లా కోశాధికారి అన్నంఅరవింద్‌ విద్యార్థులచే సూర్యనమస్కారాలు, యోగ విన్యాసాలు చేయించారు. ఈ కార్యక్రమంలో ఉపాధ్యాయులు రమేష్‌, జయప్రద, చలపతి, పంచాయతీ కార్యదర్శి మురళి తదితరులు పాల్గొన్నారు.
Updated Date - 2023-01-28T23:54:04+05:30 IST