ముత్యాలపల్లకిపై ఆది దంపతులు
ABN, First Publish Date - 2023-02-20T23:55:55+05:30
ప్రపంచ ప్రసిద్ధిగాంచిన లేపాక్షి దుర్గావీరభద్రస్వామి ఆలయంలో మహాశివరాత్రి బ్రహ్మోత్సవాల్లో భాగంగా సోమవారం రాత్రి ఆది దంపతులైన పార్వతీపరమేశ్వరులు ముత్యాలపల్లకిపై ఊరేగారు.
లేపాక్షి, ఫిబ్రవరి 20
ప్రపంచ ప్రసిద్ధిగాంచిన లేపాక్షి దుర్గావీరభద్రస్వామి ఆలయంలో మహాశివరాత్రి బ్రహ్మోత్సవాల్లో భాగంగా సోమవారం రాత్రి ఆది దంపతులైన పార్వతీపరమేశ్వరులు ముత్యాలపల్లకిపై ఊరేగారు. ఆలయంలో కొలువైన దుర్గాదేవి, వీరభద్రస్వామిని వేదపండితులు ప్రత్యేకంగా అలంకరంచి, పూజలు నిర్వహించారు. ఉత్సవమూర్తులను ముత్యాలపల్లకిలో కొలువుదీర్చారు. వేలాదిగా తరలివచ్చిన భక్తుల నడుమ ముత్యాలపల్లకిలో పార్వతీపరమేశ్వరులు ఊరేగారు. కీలుగుర్రాల కార్యక్రమం నయనమనోహరంగా సాగింది. అంతకుముందు ఉదయం సింహవాహనోత్సవం, అభిషేకార్చనలు, మహాపూర్ణాహుతి గావించారు. అనంతరం వేద పండితులు.. గర్భగుడి ప్రదక్షిణ, చండీహోమం నిర్వహించారు.
Updated Date - 2023-02-20T23:55:59+05:30 IST