నీ మంచితనం గురించి తెలియడానికి నువ్వేమీ పుచ్చలపల్లి సుందరయ్యవు కాదు : అవినాష్ రెడ్డిపై బీటెక్ రవి ఫైర్
ABN, First Publish Date - 2023-04-26T13:44:52+05:30
ఎంపీ వైఎస్ అవినాష్ రెడ్డి మీడియాతో మాట్లాడిన చిట్ చాట్‌పై టీడీపీ మాజీ ఎమ్మెల్సీ బీటెక్ రవి స్పందించారు. తన అన్న అధికారాన్ని.. తన ఎంపీ పదవిని వాడుకొని ఈ కేసు నుంచి బయటపడే వాడిని అని ఎంపీ అవినాష్ రెడ్డి చెప్పకనే చెప్పాడని పేర్కొన్నారు.
కడప : ఎంపీ వైఎస్ అవినాష్ రెడ్డి మీడియాతో మాట్లాడిన చిట్ చాట్‌పై టీడీపీ మాజీ ఎమ్మెల్సీ బీటెక్ రవి స్పందించారు. తన అన్న అధికారాన్ని.. తన ఎంపీ పదవిని వాడుకొని ఈ కేసు నుంచి బయటపడే వాడిని అని ఎంపీ అవినాష్ రెడ్డి చెప్పకనే చెప్పాడని పేర్కొన్నారు. రాత్రికి రాత్రి మర్డర్‌కు ప్లాన్ చేసి రక్తపు మరకలను తుడిచిన అవినాష్ రెడ్డి గురించి జిల్లా ప్రజలకు తెలుసన్నారు. ఇంకా బీటెక్ రవి మాట్లాడుతూ.. ‘‘నీ మంచితనం గురించి తెలియడానికి నువ్వేమీ పుచ్చలపల్లి సుందరయ్యవు కాదు.. వైఎస్ అవినాష్ రెడ్డి మాపై నిందలు మోపి రాజకీయంగా జిల్లాలో మళ్లీ తిరగాలని చూస్తున్నాడు. అవినాష్ రెడ్డిపై సీబీఐకి ఎందుకు కక్ష ఉంటుంది? తప్పు చేసినాడు కాబట్టే సీబీఐ దోషిగా చెబుతోంది. ఒకరి ఇచ్చిన స్క్రిప్ట్ చదివే మనస్తత్వం నాది కాదు. ప్రశ్నలను ముందే అడిగి హైకోర్టులో చివాట్లు తిన్నది మీరే. అవినాష్ రెడ్డి అరెస్టు తప్పుదు.. సునీతకు త్వరలో న్యాయం జరుగుతుంది. ప్రొద్దుటూరులో సునీత ఫ్లెక్సీలకు, టీడీపీకి ఎటువంటి సంబంధమూ లేదు. ఇది వైసీపీ వాళ్లు చేస్తున్న పెద్ద కుట్ర’’ అని పేర్కొన్నారు.
Updated Date - 2023-04-26T13:44:52+05:30 IST