పాత ఇనుప సామాను దుకాణంలో పేలుడు: ఒకరి దుర్మరణం
ABN, Publish Date - Dec 17 , 2023 | 12:15 AM
అన్నవరం గ్రామ శివారులో శనివారం సాయంత్రం పాత ఐరన్‌ దుకాణంలో భారీ పేలుడు సంభవించింది. అక్కడ పనిచేస్తున్న వ్యక్తి అక్కడికక్కడే మృతి చెందాడు.
అన్నవరం, డిసెంబరు 16: అన్నవరం గ్రామ శివారులో శనివారం సాయంత్రం పాత ఐరన్‌ దుకాణంలో భారీ పేలుడు సంభవించింది. అక్కడ పనిచేస్తున్న వ్యక్తి అక్కడికక్కడే మృతి చెందాడు. వివరాల్లోకి వెళితే కొత్తపేట గౌరీకల్యాణ మండపం సమీపంలో గతకొంతకాలంగా పాత ఐరన్‌ దుకాణం ద్వారా వ్యాపారం నిర్వహిస్తున్నారు. శనివారం సాయంత్రం పాతఐరన్‌ దుకాణంలో ఒక వస్తువు నుంచి గ్యాస్‌ఫాం కావడంతో ఆ సమయంలో అక్కడ పనిచేస్తున్న వ్యక్తి ధూమపానం చేసేందుకు అగ్గిపెట్టి వెలిగించగా విస్పోటనం సంభవించిందని, రావికంపాడుకు చెందిన పి.లక్ష్మణ్‌ (22) అక్కడికక్కడే మృతిచెందారని అన్నవరం ఎస్‌ఐ కిశోర్‌ తెలిపారు. పూర్తిస్థాయి దర్యాప్తు చేస్తామని, మృతదేహాన్ని 108లో తుని ప్రభుత్వాసుపత్రికి తీసుకెళ్లినట్లు ఆయన చెప్పారు.
Updated Date - Dec 17 , 2023 | 12:15 AM
