Chandrababu: రాజమండ్రి జైల్లో ఆదిరెడ్డి అప్పారావు, వాసుకు చంద్రబాబు పరామర్శ
ABN, First Publish Date - 2023-05-05T18:01:29+05:30
రాజమండ్రి సెంట్రల్ జైలుకు టీడీపీ అధినేత చంద్రబాబు (Chandrababu) చేరుకున్నారు. ములాఖత్‌పై టీడీపీ నేతలు ఆదిరెడ్డి అప్పారావు, వాసులను టీడీపీ అధినేత
రాజమండ్రి: రాజమండ్రి సెంట్రల్ జైలుకు టీడీపీ అధినేత చంద్రబాబు (Chandrababu) చేరుకున్నారు. ములాఖత్‌పై టీడీపీ నేతలు ఆదిరెడ్డి అప్పారావు, వాసులను టీడీపీ అధినేత పరామర్శించారు. చంద్రబాబుతో పాటు టీడీపీ నేతలు అచ్చెన్నాయుడు, గోరంట్ల బుచ్చయ్య చౌదరి ఉన్నారు.
జగత్‌జనని చిట్ ఫండ్‌ కేసులో మాజీ ఎమ్మెల్సీ ఆదిరెడ్డి అప్పారావు, టీడీపీ ఎమ్మెల్యే ఆదిరెడ్డి భవాని (Adireddy Bhawani) భర్త ఆదిరెడ్డి శ్రీనివాస్‌(వాసు) ను సీఐడీ పోలీసులు అరెస్ట్ చేసి న్యాయస్థానం ఎదుట హాజరుపర్చడంతో రిమాండ్‌ విధించింది. వీరిద్దరికీ మే 12 వరకు రిమాండ్‌ విధిస్తూ తూర్పుగోదావరి జిల్లా కోర్టు నిర్ణయం తీసుకుంది. దీంతో అప్పారావు, వాసును పోలీసులు రాజమహేంద్రవరం జైలుకు తరలించారు. తొలుత సీఐడీ అధికారులు రాజమహేంద్రవరంలోని ఆదిరెడ్డి ఇంటికి వెళ్లి తండ్రీకుమారులను అదుపులోకి తీసుకున్నారు. విచారణ ముగిసిన తర్వాత వైద్య పరీక్షల కోసం ప్రభుత్వాసుపత్రికి తరలించారు. అనంతరం ఆదిరెడ్డి అప్పారావు, వాసును జిల్లా న్యాయమూర్తి ఎదుట ప్రవేశపెట్టారు. దీంతో జిల్లా జడ్జి వీరిద్దరికి రిమాండ్‌ విధించింది. టీడీపీ నేతల అరెస్ట్‌ను ఆ పార్టీ నేతలు తీవ్రంగా ఖండించారు.
Updated Date - 2023-05-05T18:01:29+05:30 IST