అది పులి కాదు..!
ABN, First Publish Date - 2023-03-02T23:39:33+05:30
గోకవరం మండలం అచ్యుతాపురంలో పులి సంచరిస్తుందంటూ వచ్చిన పుకార్లలో నిజం లేదంటూ అటవీ శాఖాధికారులు తేల్చేశారు. గ్రామ శివారున గల పంట పొలాల్లో పులి పాదముద్రలుగా రైతులు అనుమానించిన అడుగులను గురువారం అటవీ శాఖాధికారులు సుబ్బాయమ్మ, వెంకట్రావు పరిశీలించారు.
గోకవరం, మార్చి 2: గోకవరం మండలం అచ్యుతాపురంలో పులి సంచరిస్తుందంటూ వచ్చిన పుకార్లలో నిజం లేదంటూ అటవీ శాఖాధికారులు తేల్చేశారు. గ్రామ శివారున గల పంట పొలాల్లో పులి పాదముద్రలుగా రైతులు అనుమానించిన అడుగులను గురువారం అటవీ శాఖాధికారులు సుబ్బాయమ్మ, వెంకట్రావు పరిశీలించారు. పొలాల్లో ఉన్న పాదముద్రలు హైనా లేక రేసు కుక్కవి కావచ్చు అంటూ అధికారులు నిర్ధారించారు. పులి సంచరిస్తోందన్న వదంతులను అచ్యుతాపురంతో పాటు, తంటికొండ, గాదెలపాలెం గ్రామస్థులు నమ్మవద్దని పేర్కొన్నారు. రైతులు యథావిధిగా పొలాల్లోకి వెళ్లవచ్చని అటవీ శాఖాధికారులు సూచించారు.
Updated Date - 2023-03-02T23:39:33+05:30 IST