కె.పెదపూడి అమ్మవారి తీర్థంలో ఘర్షణ
ABN, First Publish Date - 2023-05-19T00:59:10+05:30
కె.పెదపూడి గ్రామదేవత శ్రీరావులమ్మ అమ్మవారి తీర్థంలో జరిగిన ఘర్షణలో ఇరువర్గాలపై కేసు నమోదు చేసినట్లు ఎస్‌ఐ డి.చైతన్యకుమార్‌ తెలిపారు.
ఇరు వర్గాలపై కేసు నమోదు
అంబాజీపేట, మే 18: కె.పెదపూడి గ్రామదేవత శ్రీరావులమ్మ అమ్మవారి తీర్థంలో జరిగిన ఘర్షణలో ఇరువర్గాలపై కేసు నమోదు చేసినట్లు ఎస్‌ఐ డి.చైతన్యకుమార్‌ తెలిపారు. పశ్చిమగోదావరి జిల్లా చెందిన బాలిక తీర్థం చూసేందుకు వచ్చింది. పుల్లేటికుర్రుకు చెందిన మర్రి కిరణ్‌, అంబటి రాజేష్‌, వరసాల రమేష్‌, బొంతు లాలూకిరణ్‌, కాగితపు బాబి, గంటి సాయితేజ, అంబటి సాయిలు తీర్థంలో బాలిక పట్ల అసభ్యకరంగా ప్రవర్తించడంతో వారిపై పోక్సో కేసు నమోదు చేసిన్నట్లు ఎస్‌ఐ తెలిపారు. అలాగే అమ్మవారి తీర్థంలో చిక్కం ఏసుబాబు, సతీష్‌, యర్రా సురేష్‌, కోలా మణికంఠ, యర్రంశెట్టి వెంకటే శ్వరరావు, సూరవరపు సురేష్‌లు తనపై దాడిచేసి, కులం పేరుతో దూషిం చారని పుల్లేటికుర్రుకు చెందిన అంబటి రాజేష్‌ ఇచ్చిన ఫిర్యాదు మేరకు ఎస్సీ, ఎస్టీ అట్రాసిటీ కేసు నమోదు చేసినట్లు ఎస్‌ఐ తెలిపారు.
Updated Date - 2023-05-19T00:59:27+05:30 IST