ఆధార్‌ అప్‌డేట్‌కు ప్రత్యేక శిబిరాలు
ABN, First Publish Date - 2023-02-05T00:56:06+05:30
కృష్ణాజిల్లాలోని ప్రభుత్వ ఉద్యోగు లతో పాటు వారి కుటుంబ సభ్యుల ఆధార్‌ అప్‌డేట్‌ చేసుకోవడానికి ప్రత్యేక శిబిరాలు ఏర్పాటు చేశామని, వాటిని సద్వినియోగం చేసుకోవాలని కలెక్టర్‌ రంజిత్‌ బాషా సూచించారు.
ప్రభుత్వ ఉద్యోగులు, వారి కుటుంబ సభ్యులు సద్వినియోగం చేసుకోవాలి: కృష్ణా కలెక్టర్‌ రంజిత్‌ బాషా
మచిలీపట్నం టౌన్‌, ఫిబ్రవరి 4: కృష్ణాజిల్లాలోని ప్రభుత్వ ఉద్యోగు లతో పాటు వారి కుటుంబ సభ్యుల ఆధార్‌ అప్‌డేట్‌ చేసుకోవడానికి ప్రత్యేక శిబిరాలు ఏర్పాటు చేశామని, వాటిని సద్వినియోగం చేసుకోవాలని కలెక్టర్‌ రంజిత్‌ బాషా సూచించారు. శనివారం ఆయన మీడియాతో మాట్లాడారు. ఈనెల 6,7 తేదీల్లో జిల్లాలో ఆరు కేంద్రాల్లో ఆధార్‌ అప్‌డేట్‌ శిబిరాలను ఏర్పాటు చేశామన్నారు. ఆధార్‌ కార్డు తీసుకుని పదేళ్లు పూర్తైన ఉద్యోగులు, వారి కుటుంబ సభ్యులు ధ్రువీకరణ పత్రా లతో అప్‌డేట్‌ చేసుకోవాలన్నారు. ఐదేళ్లు దాటిన పిల్లలు బయోమెట్రిక్‌ అప్‌డేట్‌ చేసుకోవాలన్నారు. కలెక్టరేట్‌, మచిలీపట్నం తపాలా ప్రధాన కార్యాలయం, పెడన, అవనిగడ్డ, గుడివాడ, బంటుమిల్లి తపాలా కార్యాలయాల్లో ఆధార్‌ అప్‌డేట్‌ కేంద్రాలు ఏర్పాటు చేశామన్నారు. మొబైల్‌ డాక్యుమెంటేషన్‌కు రూ.50, బయోమెట్రిక్‌ అప్‌డేట్‌కు రూ.100 శిబిరాల్లో చెల్లించాలని, 5, 10 సంవత్సరాలు దాటిన పిల్లలు ఉచితంగా బయోమెట్రిక్‌ అప్‌డేట్‌ చేసుకోవచ్చని, గుర్తింపు, చిరునామా, ధ్రువీకరణ పత్రాలను సమర్పించాలని సూచించారు.
Updated Date - 2023-02-05T00:56:07+05:30 IST