ఉత్సాహంగా హోలీ వేడుకలు
ABN, First Publish Date - 2023-03-09T01:15:32+05:30
వన్‌టౌన్‌లో ఉత్సాహంగా హోలీ వేడుకలు జరుపుకున్నారు. ప్రధానంగా గుజరాతీయులు, మార్వాడీ సామాజిక వర్గానికి చెందినవారు హోలీ పండుగ సందర్బంగా సంప్రదాయ రీతిలో కార్యక్రమాలను నిర్వహిం చారు. యువకులు రంగులు చల్లుకున్నారు.
వన్‌టౌన్‌, మార్చి 8 : వన్‌టౌన్‌లో ఉత్సాహంగా హోలీ వేడుకలు జరుపుకున్నారు. ప్రధానంగా గుజరాతీయులు, మార్వాడీ సామాజిక వర్గానికి చెందినవారు హోలీ పండుగ సందర్బంగా సంప్రదాయ రీతిలో కార్యక్రమాలను నిర్వహిం చారు. యువకులు రంగులు చల్లుకున్నారు. పిల్లలు సంతోష డోలికల్తో తేలియాడుతూ వారి స్నేహితులు,బంధవులతో కలిసి ఉత్సాహంగా గడిపారు. రంగులు చల్లుకున్నారు. ఆడారు, పాడారు. హోలీసందర్భంగా ప్రత్యేక వంటలు వండుకున్నారు.మహిళలు ఆటల పాటలతో సందడి చేశారు.
చిట్టినగర్‌ : నగరంలో వాడవాడలా హోలీ వేడుకలను ప్రజలు ఘనంగా జరుపుకున్నారు. స్థానిక 46వ డివిజన్‌ సాయిరాం థియేటర్‌ సమీపంలోని లంబాడి పేట వద్ద జనసేన నాయకుడు బెవర లోకేష్‌ ఆధ్వర్యంలో బుధవారం హోలీ సంబరాలు జరిపారు. ఈ కార్యక్రమానికి ముఖ్య అతిధిగా జనసేన పార్టీ విజయవాడ నగర అధ్యక్షులు, పశ్చిమ నియోజకవర్గ ఇన్‌చార్జ్‌ పోతిన వెంకట మహేష్‌ పాల్గొన్నారు.
పాతరాజరాజేశ్వరి పేట : చిన్నారులు, యువత కేరింతలతో డివిజన్‌లు రంగుల మయమైంది. డివిజన్‌లలోని వీధులురంగులతో నిండిపోయాయి. చిన్న, పెద్ద తేడాలేకుండా చిన్నారులు, యువత, మహిళలు, పెద్దవారు అందరూ కలిసి హోలీ చేసుకున్నారు. పాతరాజరాజేశ్వరిపేట, కంసాలిపేట, వించిపేట, కేదారేశ్వరపేట, ఖుద్ధూస్‌నగర్‌, పెజ్జోనిపేట, బాప్టిస్ట్‌పాలెం, పూర్ణానందంపేటలోని వీధులన్ని రంగులతో తడిచిపోయాయి.
Updated Date - 2023-03-09T01:15:32+05:30 IST