భూ హక్కు పత్రాల పంపిణీ చేయండి: కలెక్టర్‌
ABN, First Publish Date - 2023-01-03T01:18:12+05:30
జగనన్న భూ హక్కు- భూరక్ష పత్రాలను శనివారం నాటికి అన్ని మండలాల్లో పంపిణీ చేయాలని కలెక్టర్‌ కోటేశ్వరరావు ఆదేశించారు.
కర్నూలు(కలెక్టరేట్‌), జనవరి 2: జగనన్న భూ హక్కు- భూరక్ష పత్రాలను శనివారం నాటికి అన్ని మండలాల్లో పంపిణీ చేయాలని కలెక్టర్‌ కోటేశ్వరరావు ఆదేశించారు. వివిధ ప్రభుత్వ పథకాల అమలుపై అన్ని శాఖల జిల్లా అధికారులు వీడియో కాన్ఫరెన్స్‌ ద్వారా మండల స్థాయి అధికారులను కలెక్టర్‌ సమీక్ష నిర్వహించారు. ఈ సందర్భంగా కలెక్టర్‌ గడప గడపకు మన ప్రభుత్వం అనే అంశంపై సమీక్ష నిర్వహిస్తూ సీఎం ఆదేశాల మేరకు ప్రజా ప్రతినిధులు సూచించిన పనులను త్వరితగతిన పూర్తి చేయడంతో పాటు నూతనంగా మంజూరు చేసిన పనులకు సంబంధించి ఫొటోలు తీసి అప్‌లోడ్‌ చేయాలని అన్నారు. సమీక్షా సమావేశంలో జడ్పీ సీఈవో నాసరరెడ్డి, సీపీవో అప్పల కొండ, డీఆర్‌డీఏ పీడీ వెంకటసుబయ్య, హౌసింగ్‌ పీడీ వెంకట నారాయణ, ఎస్‌ఎస్‌ఏ పీవో వేణుగోపాల్‌, డీఈవో రంగా రెడ్డి, డీపీవో నాగరాజు నాయుడు తదితరులు పాల్గొన్నారు.
Updated Date - 2023-01-03T01:18:15+05:30 IST